Yaponiyide yer tewresh apitining bir yilliqi xatirilendi

11 - Mart küni yaponiyide yüzbergen zor yer tewresh weqesining bir yilliqi munasiwiti bilen yaponiye hökümiti pütün memliket xaraktérliq xatirilesh pa'aliyetliri ötküzdi.
Muxbirimiz ümidwar
2012-03-11
Share

Yaponiye hökümiti yekshenbe küni zor kölemdiki teziye bildürüsh shekli bilen weqeni ölgenlerni xatirilidi. Fransiye agéntliqining yézishiche, yekshenbe küni tokyo shehiridiki döletlik chong tiyatirda teziye bildürüsh murasimi ötküzülgen shuningdek sa'et 2din 46 minut ötkende, yeni, bir yil igiliri yer tewrigen peytte, pütün yaponiye xelqining bir minut sükütte turushi belgilendi.

Tokyodiki mezkur murasimgha yaponiye xan jemeti qatarliq döletning yuqiri derijilik rehberliri qatnashqan.

Ötken yilidiki yer tewreshtin kélip chiqqan su apiti we bashqa hadisilerde 19 ming ademning ölgenliki we iz - déreksiz yoqilip ketkenliki melum bolghan. Fukushimadiki atom éléktir istansisi keltürüp chiqarghan radi'atsiye tesiri yaponiye jemiyitige küchlük zerbe bolghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet