Ху җинтавниң японийә зиярити миңлиған японийиликниң қаршилиқ намайишиға дуч кәлди

Хитай президенти ху җинтавниң японийә зиярити миңлиған японийиликниң қаршилиқ намайишиға дуч кәлди. Намайиш асия -тинч окян иқтисадий һәмкарлиқ тәшкилатиниң йиғини ечиливатқан йокохама шәһиридә шәнбә күни елип берилди. Намайишқа 3 миңдин артуқ адәм қатнашқан болуп, намайиш тинч йосунда елип берилди.
Мухбиримиз җүмә
2010-11-13
Share

Мәзкур намайиш бу йил 7 - сентәбирдә сенкакуда йүз бәргән хитай белиқчи кемиси вәқәсидин кейин елип берилған 4 - қетимлиқ намайиш.

Алдинқи һәптә токйодиму япон милләтчилири гуруппиниң башлиқи ташио тамогаминиң тәшкиллиши билән мушу хилда чоң типтики бир наразилиқ намайиши елип берилған иди.

Бу йил 7 - сентәбир, хитайниң бир белиқчи кемиси японийә деңиз чарлиғучи қисимлириниң кемисигә қәстән соқулғандин кейин, японийә даирилири хитай белиқчиларни қолға алған. Башқа белиқчилар қоюп берәлигән болсиму, хитай капитанини 10 нәччә күн тутуп турғандин кейин 24 сентәбир қоюп бәргән иди. Мәзкур һадисә японийә -хитай мунасивәтлирини еғир дәриҗидә йирикләштүргән.

Шәнбә күнидики намайишниму, япон милләтчилири гуруппиниң башлиқи ташио тамогами тәшкиллигән.

Мәлуматларға қариғанда, асия асия -тинч окян иқтисадий һәмкарлиқ тәшкилатиниң йиғини давамида японийә баш вәзири наото кан хитай рәиси ху җинтавға билән учрашқан. Учришиш йерим саәтләр әтрапида елип берилған. японийә ички кабинетиниң муавин баш катипи тәсуро фукуяма, учришишта һәр икки тәрәпниң арал мәсилисидики мәйданини оттуриға қоюшқанлиқини билдүрди.

Фукуяма: "бу рәсмий шәкилдики икки тәрәп сөһбити, японийә -хитай мунасивәтлирини илгири сүрүштики муһим қәдәм" деди.

Фукумя икки тәрәпниң арал мәсилисидә сөзләшкән тәпсилатлар үстидә тохталмиди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт