Xu jintawning yaponiye ziyariti minglighan yaponiyilikning qarshiliq namayishigha duch keldi

Mezkur namayish bu yil 7 - séntebirde sénkakuda yüz bergen xitay béliqchi kémisi weqesidin kéyin élip bérilghan 4 - qétimliq namayish.

Aldinqi hepte tokyodimu yapon milletchiliri guruppining bashliqi tashi'o tamogamining teshkillishi bilen mushu xilda chong tiptiki bir naraziliq namayishi élip bérilghan idi.

Bu yil 7 - séntebir, xitayning bir béliqchi kémisi yaponiye déngiz charlighuchi qisimlirining kémisige qesten soqulghandin kéyin, yaponiye da'iriliri xitay béliqchilarni qolgha alghan. Bashqa béliqchilar qoyup béreligen bolsimu, xitay kapitanini 10 nechche kün tutup turghandin kéyin 24 séntebir qoyup bergen idi. Mezkur hadise yaponiye -xitay munasiwetlirini éghir derijide yirikleshtürgen.

Shenbe künidiki namayishnimu, yapon milletchiliri guruppining bashliqi tashi'o tamogami teshkilligen.

Melumatlargha qarighanda, asiya asiya -tinch okyan iqtisadiy hemkarliq teshkilatining yighini dawamida yaponiye bash weziri na'oto kan xitay re'isi xu jintawgha bilen uchrashqan. Uchrishish yérim sa'etler etrapida élip bérilghan. Yaponiye ichki kabinétining mu'awin bash katipi tesuro fukuyama, uchrishishta her ikki terepning aral mesilisidiki meydanini otturigha qoyushqanliqini bildürdi.

Fukuyama: "bu resmiy shekildiki ikki terep söhbiti, yaponiye -xitay munasiwetlirini ilgiri sürüshtiki muhim qedem" dédi.

Fukumya ikki terepning aral mesiliside sözleshken tepsilatlar üstide toxtalmidi.