Onodéra: yaponiye kelgüside tehditke qarshi aldin qol sélish iqtidarini hazirlaydu

Yaponiye dölet mudapi'e ministiri itsonuri onodéra, yaponiyining kelgüside mewjut tehditke qarshi aldin qol sélish iqtidarini tereqqiy qildurush hoquqi barliqini bildürdi.
Muxbirimiz erkin
2013-02-15
Share

U jüme küni roytérs agéntliqining ziyaritini qobul qilip: qarshi terepning yaponiyige hujum qilish niyiti ochuq-ashkara bolup, tehdit jiddiy bolsa we bashqa chare qalmisa, yaponiye qanun'gha asasen düshmen nishanigha zerbe bérishke hoquqluq, dégen.

Közetküchilerning ilgiri sürüshiche, yaponiyining shimaliy koriye yadro tehditige qarshi alghan bu jehettiki tedbiri xitay we shimaliy koriyini bi'aram qilishi mumkin.

Onodéra bu sözlerni shimaliy koriye yadro siniqi ötküzüp, weziyetni jiddiyleshtürüwetken bir peytte qilghan bolsimu, biraq bu mezgil yene yaponiye-xitay munasiwiti sénkaku yaki dyawyü arilining igilik hoquqi sewebidin jiddiyliship ketken peyttur.

Yaponiyining hazirqi asasiy qanuni bashqa döletke aldin qol sélish xaraktérlik hujum qilishni cheklisimu, biraq yaponiye yéngi bash ministiri shinzu abé asasiy qanundiki bu xil cheklimini bikar qilishqa wede bergen idi.

Biraq onodéra, hazir aldin qol sélish iqtidarini hazirlash teyyarliq xizmitini derhal bashlash waqti emeslikini bildürüp: bizning rayon bixeterlik weziyitidiki özgirishni diqqet bilen közitishimizge toghra kélidu, dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet