Xitay, yaponiyidin 4-nöwetlik dunya Uyghur qurultiyining yaponiyide échilishigha yol qoymasliqni telep qildi

Xitay bügün, yaponiyide échilmaqchi boluwatqan 4-nöwetlik dunya Uyghur qurultiyi heqqide tunji qétim pikir bayan qildi.
Muxbirimiz shöhret hoshur
2012.04.09

Xitay tashqi ishlar bayanatchisi lyu wéymin bügün bu heqtiki sözide yaponiyidin dunya Uyghur qurultiyi yighinining yaponiyide échilishigha yol qoymasliqini telep qildi.

Roytris we fransiye axbarat agéntliqining xewer qilishiche, xitay bayanatchi sözide “Dunya Uyghur qurultiyi-junggoning dölet pütünlüki we igilik hoquqigha qarshi pa'aliyet élip bériwatidu” dégen we xitayning dölet pütünlüki we igilik hoquqigha qarshi bu heriketke qarshi ikenlikini, xitayning bu meydanini munasiwetlik qanallar arqiliq yaponiyige bildürüp bolghanliqini ashkarilighan.

Dunya Uyghur qurultiyining 4-qétimliq omumi yighini yaponiyide 14-maydin 17-maygha qeder échilidu. 1- We 2-qétimliq qurultay gérmaniyide, 3‏-qétimliqi amérikida échilghan. Yaponiye Uyghur jem'iyitining re'isi ilham mahmut bügün fransiye axbarat agéntliqigha qilghan sözide qurultay heqqide söz qilip, bu qétimqi qurultaygha 20 din artuq dölettin yüzdin artuq wekil ishtirak qilidighanliqini we yighinda Uyghurlarning öz teqdirini özi belgilesh heqqide muzakire élip bérilidighanliqini bayan qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.