Yaponiye parlaméntida Uyghur dostluq jem'iyitining qurulushi metbu'atlarning diqqitini qozghidi

Yaponiye parlaméntida Uyghur dostluq jem'iyitining qurulushi, xelq'ara metbu'atlarning diqqitini qozghidi.
Muxbirimiz méhriban
2012.04.24

Tünügündin buyan yaponiye metbu'atliri hemde erkin asiya radi'osi, amérika awazi qatarliq xelq'ara metbu'atlarda bu xewer bérildi. Undin bashqa, yotub, feysbuk, téwitir qatarliq tor béketliride yighin'gha a'it sin'alghu körünüshliri qoyulup, bu heqtiki munaziriler köpeydi.

Amérika awazining 24-apirildiki xewiride, “Dunya Uyghur qurultiying 4-qurultiyi 14-maydin 20-mayghiche tokyoda chaqirilidu. Yighin'gha her qaysi döletlerdiki 100din artuq wekil qatnishidu. Mana mushundaq shara'itta yaponiye parlaméntidiki 20 parlamént ezasining qatnishishi bilen sabiq yaponiye bash ministiri shinzo abé bash meslihetchi bolghan Uyghur dostluq guruppisi qurulup, ular Uyghurlarning yaponiyidiki pa'aliyetlirini qollaydighanliqini bildürdi” dégen bayanlar bérilip, yaponiyining Uyghur mesilisidiki pozitsiyisi otturigha qoyuldi.

Yaponiye parlaméntida Uyghur dostluq guruppisining qurulghanliqigha minnetdarliq bildürgen dunya Uyghur qurultiyi bash katipi dolqun eysa ependi, 23-aprél küni erkin asiya radi'osigha bergen bayanatida “Yaponiyide Uyghur dostluq jem'iyitini qurush Uyghur milliy musteqilliq herikitining ilgiriki yolbashchiliridin mehmut muhiti qatarliq péshqedemlirimizning bundin 80 yil ilgiri emelge ashurmaqchi bolghan chüshining ré'alliqqa aylinishi” dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.