Японийә баш вәзири японийә хитай вә корийә оттурисидики араллар мәсилисидә японийиниң мәйданини билдүрди

Японийә баш вәзири нода 24-авғуст җүмә күни мухбирларға баянат бериш йиғини ечип, йеқиндин буян японийә билән хитай вә корийә оттурисидики талаш-тартишларға сәвәб болуватқан, сенкако арили вә такошима арилиниң японийиниң игилик һоқуқида икәнликини билдүрди.
Мухбиримиз меһрибан
2012-08-24
Share

Японийә баш вәзири бу һәқтә тохтилип, "мәйли тарихи нуқтидин елип ейтқанда болсун, яки хәлқара қануни бәлгилимә бойичә болсун, сенкако арили вә такошима арили японийиниң земини, японийә һазирму бу аралларға игидарчилиқ қилиш һоқуқиға игә." дегән. японийә баш вәзири йәнә японийә һөкүмитиниң мәйданини билдүрүп,"әслидинла аралларниң игидарчилиқ мәсилиси мәвҗут әмәс.

Әгәр зөрүр болса японийә һөкүмити өз земини һәм хәлқиниң бихәтәрликини қоғдашқа мәсул болиду. Арални қоғдаш үчүн тәдбир елиниду" дегән.

Йеқиндин буян хитай һәм корийидә давамлишиватқан сенкако арили һәм такошима арилиниң игидарчилиқи мәсилисидә, японийигә қарши елип бериливатқан наразилиқлар көпәйгән. Буниңға қарита японийидиму наразилиқ намайишлири елип берилған.

Японийә баш вәзириниң бүгүнки баянати һәққидә тохталған б б с агентлиқи қатарлиқ хәлқара мәтбуатлар бу һәқтә тохтилип, "японийә баш вәзириниң баянати 59 йилдин буян японийә һөкүмитиниң юқири дәриҗилик әмәлдариниң арал мәсилиси һәққидә тунҗи қетим өз мәйданини ипадилиши. Бу японийә һөкүмитиниң земин игидарчилиқи мәсилисидә дөләт ичидә бесимға учраватқанлиқи сәвәбидин алған қарари" деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт