Yaponiye hökümiti igilik hoquqi xitay bilen talash-tartishtiki sénkaku arallirini sétiwélishni qarar qilghan
2012.09.05
Yaponiye “Kyudo” axbarat agéntliqi, “Yumuri shinbun” we “Asashi shinbun” qatarliq gézitlerning xewer qilishiche, sénkaku arallar guruppisidiki 5 araldin 3 aralni yaponiye kurixara a'ilisidin 26 milyon dollargha sétiwélishni qarar qilghan.
Bu yil 4-ayda tokyo sheher bashliqi shintaru ishixara, sénkaku arallirini sétiwélishqa i'ane toplash herikiti bashlap, xitayning naraziliqini qozghighan. D u q ning bu yil 5-ayda tokyoda chaqirilghan 4-qétimliq qurultiyi mezgilide, qurultay re'isi rabiye qadir xanimning aral sétiwélishqa pul i'ane qilishi xitay hökümitining ilgirilep oghisini qaynatqan idi.
Xitay tashqi ishlar ministirliqi bayanatchisi xong léy charshenbe küni muxbirlargha eskertip: dyawyü arilini döletke ötküzüwélish junggoning igilik hoquqigha buzghunchiliq qilghanliq we junggo xelqining héssiyatigha azar bergenlik, dégen. U yene agahlandurup: junggo weziyetni yéqindin közitiwatidu. U barliq wasitilerni qollinip, özining igilik hoquqini qoghdaydu, dep körsetken.
Lékin birleshme agéntliqining xewer qilishiche, yaponiye ichki kabinét bash katipi osamu fujimora, aralning igisi kurixara a'ilisi bilen dawamliq sodilishiwatqanliqini bildürgen.
Köp körülgen xewerler
RFA
- Abduweli ayup: “Xitaygha bérip kéliwatqan Uyghurlarning köpiyishi jiddiy mesile!”
- Hamutxan köktürk: xitayning puli bilen xitayning méhmani bolup weten'ge barghanlar sherqiy türkistan dewasigha xiyanet qilghan bolidu
- Qirghizistan we özbékistanning musteqilliqi shu döletlerde yashaydighan Uyghurlargha némilerni ata qildi?
- Turpan karizliri: Uyghurlardin ayrip, xitay shirketlirining paydisigha yüzlendürülüwatqan karizlar
- Analizchilar: naraziliqini ipadiligen xelqni qoralliq esker bilen basturush peqet xitaydek mustebit hakimiyetke mensup