Yaponiye bilen xitay b d t yighinida bir-biri bilen qattiq zakonlashti

Xitay bilen yaponiye wekilliri peyshenbe küni b d t omumi yighinida nöwet bilen sözge chiqip, sénkaku yaki dyawyü arilining igilik hoquq mesiliside bir-biri bilen qattiq zakonlashti.
Muxbirimiz erkin
2012-09-28
Share

Xitay tashqi ishlar ministiri yang jyéchi b d t omumi yighinida qilghan sözide sénkaku yaki dyawyü arili mesilisini tilgha élip, yaponiyini tenqid qilghan we yaponiyining sénkaku arilini junggodin tartiwalghanliqini ilgiri sürgen. Biraq yaponiyining b d t da turushluq mu'awin elchisi kazu kodama yang jyéchining sözige jawaben sözge chiqip, xitay terepning sözining héchqandaq menteqe asasi yoqluqini bildürgen.

Yang jyéchi b d t omumi yighinida qilghan sözide "Dyawyü we uning etrapidiki arallar ezeldin tartip junggo zémini. Shunga junggoning bu arallarda héchqandaq talash-tartishsiz igilik hoquqi bar. Yaponiye bu arallarni 1895‏-yil jyawu urushida tartiwalghan" dégen idi.

Biraq kazu kodama "Yaponiye sénkaku ariligha igidarchiliq qilghanda, bu aral xitayning kontrolluqida emes idi. Shunga xitayning pikri menteqe jehettin put tirep turalmaydu" dégen. Uning arqisidin xitayning b d t da turushluq wekili li bawdong sözge chiqip, kodamaning sözliri "Tarixni burmilighanliq, bu bir milyard 300 milyon junggo xelqining ghezipini qozghaydu. Junggo bu mesilide hergiz yol qoymaydu" dep körsetken.

Yaponiye wekili bolsa bu arallar "Yaponiyining tebi'iy zémini ikenlikide héchqandaq shübhe yoqluqi" ni bildürgen. Li bawdong kodamagha hujum qilip, "Yaponiyining tarixtiki tajawuzchiliq we mustemlikichilik herikitidin uning héchqandaq nomus qilmaywatqanliqini" tekitligen. Kodama li bawdonggha reddiye bérip, uning 2‏-dunya urushini pesh qilishi "Shübhilik we paydisiz" dep körsetken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet