Мәрданә консерватип таро асо японийә баш министири болди

Японийидә бүгүн узундин буян очуқ - йоруқ, мәрданә сөзләп келиватқан, пүтүн йәр шарида террорчилиққа қарши давамлиқ көрәш қилидиған консерватиплардин таро асо дөләтниң баш министирлиқ вәзиписини үстигә алди.
Мухбиримиз вәли
2008.09.24

Бирләшмә агентлиқиниң токйодин баян қилишичә, таро асо вәзипә тапшурувалғанда 'биз иқтисади мәсилигә, болупму ушшақ вә оттураһал тиҗарәтләргә алаһидә көңүл бөлүпла қалмай, бәлки хәлқара җәмийәтниң әзаси сүпитимиз билән афғанистанда яки пакистандила әмәс, бәлки пүтүн йәр шаридики террорчилиққа қарши көрәш қилимиз' дегән.

Франсийә агентлиқиниң баян қилишичә, таро асо японийиниң баш министирлиқини үстигә алғандин кейин, даңлиқ оңчилардин такео кавамурани кабинет секритарлиқиға, хитайға қарши шиддәт билән тәнқид яғдуруп келиватқан мәшһур банкичи шойчи накагавани малийә министирлиқиға, ираққа әскәр әвәткән японийиниң иккинчи номурлуқ дөләт мудапиә әмәлдари ясуказу хамадани мудапиә министирлиқиға, кабинитта ишләп келиватқан икки аялниң ичидин аяллар вә балилар ишлириға әң көп көңүл бөлидиған 34 яшлиқ юку обучини дөләт ишлири министирлиқиға тәйинлигәнликини җакарлиған.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.