Merdane konsérwatip taro aso yaponiye bash ministiri boldi

Birleshme agéntliqining tokyodin bayan qilishiche, taro aso wezipe tapshuruwalghanda 'biz iqtisadi mesilige, bolupmu ushshaq we otturahal tijaretlerge alahide köngül bölüpla qalmay, belki xelq'ara jem'iyetning ezasi süpitimiz bilen afghanistanda yaki pakistandila emes, belki pütün yer sharidiki térrorchiliqqa qarshi köresh qilimiz' dégen.

Fransiye agéntliqining bayan qilishiche, taro aso yaponiyining bash ministirliqini üstige alghandin kéyin, dangliq ongchilardin také'o kawamurani kabinét sékritarliqigha, xitaygha qarshi shiddet bilen tenqid yaghdurup kéliwatqan meshhur bankichi shoychi nakagawani maliye ministirliqigha, iraqqa esker ewetken yaponiyining ikkinchi nomurluq dölet mudapi'e emeldari yasukazu xamadani mudapi'e ministirliqigha, kabinitta ishlep kéliwatqan ikki ayalning ichidin ayallar we balilar ishlirigha eng köp köngül bölidighan 34 yashliq yuku obuchini dölet ishliri ministirliqigha teyinligenlikini jakarlighan.