7-Nöwetlik milletler ara yash rehberler yighini kaliforniyide échildi

Xitay hakimiyiti astida yashawatqan milletlerning 7-nöwetlik yash rehberler yighini mushu ayning 19-künidin 21-künigiche amérikining kaliforniye shtatida échildi.
Muxbirimiz shöhret hoshur
2012.04.23

Yighin'gha Uyghur, tibet, mongghul we xitay wekillerdin bashqa yene, xitaydiki milletler mesilisi üstide izdiniwatqan we pa'aliyet élip bériwatqan alimlar we kishilik hoquq pa'aliyetchilirimu qatnashti.

Boshün torining bu heqtiki xewiride tilgha élinishiche “Yighinda dunya Uyghur qurultiyining meshhur rehbiri rabiye qadir xanimmu söz qildi.” amérika Uyghur birleshmisining bildürüshiche, yighinda tibet, Uyghur we mongghullar mesilisi, teywenning tejribiliri, xitaylarning démokratik heqliri muzakire qilindi.

Yighin amérikida pa'aliyet élip bériwatqan puqralar küchi teshkilati teripidin uyushturuldi. Yighin'gha xitay démokratchiliridin yang jyenli, wang den qatarliqlar, Uyghur pa'aliyetchiliridin yene ömer qanat we alim séyitoflar qatnashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.