Явро-асия йәрмәнкиси башлиниш алдида үрүмчи техиму қаттиқ қамал астиға елинди

Хитай һөкүмити 2-сентәбир күни ечилидиған 2-нөвәтлик явро-асия йәрмәнкиси башлиниш алдида, үрүмчи вә униң әтрапидики шәһәрләрдики бихәтәрлик тәдбирлирини илгириләп чиңитқан.

2012.08.30
Share on WhatsApp
Share on WhatsApp

Бүгүн хитай авиатсийә хәвәрләр ториниң хәвиридин қариғанда, йәрмәнкә мәзгилидә һәрқайси өлкиләрдин үрүмчигә қарап учидиған айропиланлар вә үрүмчи айродромидики тәкшүрүшләр күчәйтилгән болуп, җамаәт хәвпсизлик тармақлири, айродром алаһидә сақчилири вә қораллиқ сақчи қисимлири өз-ара һәмкарлишип айродром бихәтәрликини қоғдайдикән.

Буниңдин сирт, бу йиллиқ йәрмәнкә башлиништин илгири 30 күнлүк йәрмәнкини күтүвелиш паалийити қанат яйдурулуп, үрүмчидики идарә-органларниң хадимлири охшашла коча-койларни назарәт қилишқа вә шәһәр муһитини сақлашқа чиқирилған. Уйғур елидә турушлуқ биңтуән хәвпсизлик қисимлириму өз алдиға һәрикәткә өтүп, шәһәрдики һәрқайси кириш-чиқиш еғизлирида қораллиқ һалда пост турушқа башлиған болуп, һәрқайси еғизларда кирип чиққанларниң кимликлири вә сомкилири тәкшүрүлмәктә икән.

2-Нөвәтлик явро-асия йәрмәнкисиниң көлими алдинқи нөвәтлик йәрмәнкидин көп чоң болуп, уйғур аптоном район даирилири йәрмәнкиниң бихәтәрликигә капаләтлик қилиш үчүн мәхсус 19 милйон йүән мәбләғ чиқирип, һәрбий аптомобил, алақилишиш аппарати вә адәм тәкшүрүш аппаратиға охшаш түрлүк бихәтәрлик үскүнилирини толуқлиған.

Уйғур елидин кәлгән хәвәрләрдин йәнә, һазир сақчи даирилириниң үрүмчидики бир қисим көзитиливатқан кишиләрни башқа яқларға кетишкә мәҗбурлаватқанлиқи, яқа юртлардин кәлгәнләрни юртлириға қоғлиғанлиқи мәлум болмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.