Yawro - asiya döletliri bixeterlik teshkilatining aliy yighini istanbulda échildi

Birleshme agéntliqining istanbuldin xewer qilishiche, yawro - asiya bixeterlik hemkarliqi we öz - ara ishench turghuzush teshkilati (CICA) ning aliy derijilik yighini türkiyining riyasetchilikide istanbulda échildi.
Muxbirimiz weli
2010.06.09

Bu yighinda, isra'iliyining ghezzini herbiy jehettin qamal qilishni buzup tashlash heqqide türkiye otturigha qoyghan teshebbus we buninggha da'ir mesililer muzakire qilinmaqta.

Amérika awazining bayan qilishiche, bu aliy derijilik yighin'gha rusiye, iran, süriye, afghanistan, pakistan qatarliq döletlerning prézidént yaki bash ministirliri qatnashti. Emma bu xelq'ara teshkilatning ezasi bolghan isra'iliyining türkiyide turushluq elchixanisining wekili qatnashti.

Buningdin burun, türkiyidiki ammiwiy teshkilatlar uyushturghan qutquzush paraxotliri, isra'iliyining herbiy qamalini buzush üchün ghezzige yéqinlashqanda, 8 neper türkiye puqrasi we bir neper türk amérika puqrasi isra'iliyining zerbidar etriti teripidin öltürülgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.