Явропа парламенти кишилик һоқуқ комитети үрүмчи вәқәси үстидин хәлқаралиқ тәкшүрүш елип беришни қоллиди

Ройтерс агентлиқиниң 1 - сентәбир күни белгийә пайтәхти брюсселдин хәвәр қилишичә, явропа парламенти инсан һәқлири комитетиниң башлиқи һейди һаутала рабийә қадир ханимниң мәзкур парламенттики зиярити җәрянида 5 - июл үрүмчи вәқәси һәққидә хәлқаралиқ мустәқил тәкшүрүш елип бериш тоғрисидики тәлипини қоллиди.
Мухбиримиз гүлчеһрә
2009.09.01

Һейди һуаталама сөзидә " мән ишинимәнки, бу йәрдә һәр тәрәптин хәлқаралиқ мустәқил тәкшүрүш арқилиқ ениқлаш зөрүр болған инсан һәқлири дәпсәндичиликлири мәвҗут" дәп көрсәткән.

Сәйшәнбә күни брюсселда зияритини башлиған уйғур миллий һәрикити рәһбири рабийә қадир ханим, явропа парламенти кишилик һоқуқ комитети билән көрүшүп, хитай һөкүмитиниң уйғурларға йүргүзгән сияситини тәнқид қилған шундақла хитай даирилири билән бивастә сөһбәт өткүзүшни халайдиғанлиқини билдүргән.

Рабийә қадир ханим явропа парламенти кишилик һоқуқ комитетиниң тәклипигә бинаән брюсселға зиярәткә барған болуп, униң зиярити 5 - сентәбиргичә давам қилиду.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.