Явропа бирликиниң ташқи ишлар вә бихәтәрлик комитетиниң вәкили хитайға кәлди

Явропа бирликиниң ташқи ишлар вә бихәтәрлик комитети вәкили касирен аштон хитайға кәлди. У, 29‏ - априлдин 1‏ - майғичә хитай билән сөзлишиду.
Мухбиримиз вәли
2010.04.28

Кишилик һоқуқ көзитиш тәшкилатиниң нюйорктин баян қилишичә, кишилик һоқуқ көзитиш тәшкилати униңға, бу қетимқи сөһбәттә тибәт вә уйғур мәсилисидин ибарәт һәл қилғуч мәсилини асасий орунға қоюшни тапшурди.

Кишилик һоқуқ көзитиш тәшкилатиниң асия шөбисиниң башлиқи софия ричртсон вашингтондин, бүгүн, явропа бирликиниң ташқи ишлар вә бихәтәрлик комитети вәкилигә, хитай һөкүмити 1989‏ - йилидики 4 ‏ - ийон вәқәсидә өлтүрүлгән вә из -дерәксиз йоқ қилинған хәлқниң тизимликини йиллардин буян ашкарилимай келиватқанниң үстигә, 2008‏ - йили ласада йүз бәргән намайиш вә 2009‏ - йили ийолда үрүмчидә йүз бәргән намайиштин кейинму йәнила, өлтүргән, тутқун қилған, сотлиған, җазалиған вә ез‏ - дерәксиз йоқ қилинған тибәтләрниң вә уйғурларниң тизимликини дунядин юшуруп туруватиду. Бу һәқтә хитай билән очуқ - ашкара сөзлишиш керәк, хитайниң тибәтләргә вә уйғурларға қарита очуқ - ашкара йүргүзүватқан 'йетим қалдуруш, кәмситиш, чәткә қеқиш' сияситини қаттиқ әйибләш керәк, дәп көрсәтти. 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.