Йәмән президенти салиһ һоқуқ тапшурушқа разилиқ билдүрди

Йәмәндики узунға созулған намайишлар вә парс қолтуқ дөләтлири гуруһиниң қәтий тәлипи астида президент алий абдулла салиһ өз һоқуқини тапшурушқа разилиқ билдүрди.
Мухбиримиз үмидвар
2011.04.24

Б б с агентлиқиниң хәвәр қилишичә, президент алий абдуллаһ салиһниң баянатчиси салиһ вә һакимийәт йүргүзүватқан партийиниң қолтуқ дөләтлириниң йәмәнниң сиясий кризисини һәл қилиш лайиһисини қобул қилғанлиқини билдүргән.

Йәмәндики өктичилик һәрикәтлири икки айдин буян давамлишиватқан болуп, бу җәрянда 120 адәм һаятидин айрилған.

Шундақ болушиға қаримай, йәмән өктичилириниң қәтий тәврәнмәй салиһниң вәзиписидин истепа беришини тәләп қилишни давамлаштурған болуп, илгири салиһ өзиниң бир йил ичидә вәзиписидин қалидиғанлиқини билдүргән иди.

Қолтуқ дөләтлириниң лайиһиси бойичә алғанда, президент салиһ өктичиләр билән келишимгә имза қоюп, бир ай ичидә өз вәзиписини униң муавиниға тапшуруши керәк, буниң үчүн президент үстидин әрз қилиш әмәлдин қалдурулиду.

Йәмән өктичи рәһбәрлири салиһниң һоқуқ тапшурушқа рази болғанлиқини қарши алидиғанлиқини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.