Йәмәндә партлиғуч посулка гумандарлиридин икки аял қолға елинди

Йәмән президенти әли абдулла салиһиниң ейтишичә, бу дело әнгилийә, америка қатарлиқ дөләтләр тәминлигән учурлар асасида паш қилинған.

Йәмән даирилириниң ейтишичә, америкиниң йәмәндә турушлуқ федерал тез почтиси вә америка почтиси дәп атилидиған икки ширкити түнүгүн (шәнбә күни) партлиғуч қачиланған 20 нәччә посулкини байқиғандин кейинла хизмәтлирини тохтатқан икән.

Әмма бу посулкилар йәмәндин әнгилийиниң милан айродроми арқилиқ америкиға келидиған бир айропиланда вә дубәй арқилиқ америкиға келидиған йәнә бир айрупиланда байқалған. Мәсилә ениқланған һаман тез биртәрәп қилинған.

Хәвәрдә ейтилишичә, америка президенти обама, бу қетим америкида айрупилан партлитиш пиланланған йеңи сүйиқәст паш қилинғандин кейинла, сәуди әрәбистани падишаһи абдуллаға телеграм йоллап, бу қетимқи партлитиш сүйиқәстлириниң тармар қилиниши үчүн муһим учурлар билән тәминлигәнликигә рәһмәт ейтти.