Yemende partlighuch posulka gumandarliridin ikki ayal qolgha élindi

B b s ning bayan qilishiche, ayrupilanda partlitish weqesi peyda qilish üchün, partlighuch posulka teyyarlighan jinayet gumandarliridin ikki ayal bügün yemende qolgha élindi.
Muxbirimiz weli
2010.10.31
Share on WhatsApp
Share on WhatsApp

Yemen prézidénti eli abdulla salihining éytishiche, bu délo en'giliye, amérika qatarliq döletler teminligen uchurlar asasida pash qilin'ghan.

Yemen da'irilirining éytishiche, amérikining yemende turushluq fédéral téz pochtisi we amérika pochtisi dep atilidighan ikki shirkiti tünügün (shenbe küni) partlighuch qachilan'ghan 20 nechche posulkini bayqighandin kéyinla xizmetlirini toxtatqan iken.

Emma bu posulkilar yemendin en'giliyining milan ayrodromi arqiliq amérikigha kélidighan bir ayropilanda we dubey arqiliq amérikigha kélidighan yene bir ayrupilanda bayqalghan. Mesile éniqlan'ghan haman téz birterep qilin'ghan.

Xewerde éytilishiche, amérika prézidénti obama, bu qétim amérikida ayrupilan partlitish pilanlan'ghan yéngi süyiqest pash qilin'ghandin kéyinla, se'udi erebistani padishahi abdullagha télégram yollap, bu qétimqi partlitish süyiqestlirining tarmar qilinishi üchün muhim uchurlar bilen teminligenlikige rehmet éytti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.