Хитай йәнә 5 нәпәр уйғурни өлүмгә һөкүм қилди

Шинхуа агентлиқиниң хәвәр қилишичә, хитай соти түнүгүн "5 ‏ - июл" тутқунлиридин йәнә 13 киши үстидин һөкүм елан қилған. Һөкүмдә 5 нәпәр уйғур өлүмгә, 8 нәпири муддәтлик вә муддәтсиз қамақ җазасиға буйрулған.
Мухбиримиз шоһрәт һошур
2010-01-26
Share

Хәвәрдә билдүрүлүшичә, бу 13 нәпәр мәһкум, 5 ‏- июлдики 5 айрим делоға четилип сотланған. Өлүмгә буйрулғанлар алим абдувәли, абдукерим абләт, алимҗан әркин, қурбанҗан һүсәйин, йүсүпқадир абдукерим қатарлиқлар болуп, булардин йүсүпқадир абдукерим 2 йиллиқ кечиктүрмә өлүм җазасиға буйрулған.

Дуня уйғур қурултийиниң баянатчиси дилшат ришит бүгүн ройтерис қатарлиқ хәлқаралиқ ахбарат органлириға баянат берип, хитайниң өлүм җазалири билән районда муқимлиқни қоғдиялмайдиғанлиқини йәнә бир қетим тәкитлигән.

Бирләшкән дөләтләр тәшкилатиниң инсан һәқлири али комитетиниң мәсули өткән йили сентәбир ейида, 5 - июл вәқәси һәққидә тохтилип, хитайни вәқәни бир тәрәп қилишта вәқәни кәлтүрүп чиқарған йилтиз характерлик сәвәбләрни көздин кәчүрүшкә чақирған иди.

Хитайниң 5 ‏- июл мәсилисидә хәлқара җамаәтниң пикир вә чақириқлириға пәрва қилмайватқанлиқи ашкара көрүлмәктә. Нөвәттә уйғур тәшкилатлири хәлқара җамаәтниң буниңдин кейин хитайға тутидиған позитсийисини диққәт билән көзәтмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт