Xitay yene 5 neper Uyghurni ölümge höküm qildi

Shinxu'a agéntliqining xewer qilishiche, xitay soti tünügün "5 ‏ - iyul" tutqunliridin yene 13 kishi üstidin höküm élan qilghan. Hökümde 5 neper Uyghur ölümge, 8 nepiri muddetlik we muddetsiz qamaq jazasigha buyrulghan.
Muxbirimiz shohret hoshur
2010-01-26
Share

Xewerde bildürülüshiche, bu 13 neper mehkum, 5 ‏- iyuldiki 5 ayrim délogha chétilip sotlan'ghan. Ölümge buyrulghanlar alim abduweli, abdukérim ablet, alimjan erkin, qurbanjan hüseyin, yüsüpqadir abdukérim qatarliqlar bolup, bulardin yüsüpqadir abdukérim 2 yilliq kéchiktürme ölüm jazasigha buyrulghan.

Dunya Uyghur qurultiyining bayanatchisi dilshat rishit bügün roytéris qatarliq xelq'araliq axbarat organlirigha bayanat bérip, xitayning ölüm jazaliri bilen rayonda muqimliqni qoghdiyalmaydighanliqini yene bir qétim tekitligen.

Birleshken döletler teshkilatining insan heqliri ali komitétining mes'uli ötken yili séntebir éyida, 5 - iyul weqesi heqqide toxtilip, xitayni weqeni bir terep qilishta weqeni keltürüp chiqarghan yiltiz xaraktérlik seweblerni közdin kechürüshke chaqirghan idi.

Xitayning 5 ‏- iyul mesiliside xelq'ara jama'etning pikir we chaqiriqlirigha perwa qilmaywatqanliqi ashkara körülmekte. Nöwette Uyghur teshkilatliri xelq'ara jama'etning buningdin kéyin xitaygha tutidighan pozitsiyisini diqqet bilen közetmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet