Xitayning yéngi pasporti naraziliq peyda qildi

Xitayning yéngi ishlen'gen pasportigha jenubiy déngiz xitayning térritoriyisi qilip körsitilgen xeritining chüshürülüshi filippin we wyétnam qatarliq döletlerning qattiq ghezipini qozghidi.
Muxbirimiz irade
2012-11-22
Élxet
Pikir
Share
Print

Bügün filippinning tashqi ishlar ministiri albért dél rosari'o bayanat bérip, xitayning bu herikitini qattiq eyibligen. U "Xitay yéngi pasportidiki xeritige filippin'gha teweliki intayin éniq bolghan rayonlarnimu kirgüzüwalghan, bu heddidin ashqan we xelq'ara qanunlargha xilap bir ehwal" dégen.

Peyshenbe küni wyétnam da'irilirimu xitaygha resmiy naraziliq xéti ewetip, xitaydin xeritini tüzitishni telep qilghan.

Fransiye agéntliqining éytishiche, bu pasportni ishlitip turup, wyétnamgha kirmekchi bolghan bezi xitay puqraliri bügün xitaydiki wéybo torigha qaldurghan sözide, özlirining pasporttiki xerite sewebidin chégradin ötkiche bir munche awarichilikke uchrighanliqini bildürgen. Xitay terep bolsa, mesilini kichiklitishke urunmaqta. Tashqi ishlar ministirliqi bayanatchisi xu'a chünying bu heqtiki so'allargha "Bizning alahide bir meqsitimiz yoq, biz alaqidar döletler bilen dawamliq alaqe ichide bolushni arzu qilimiz" déyish bilenla boldi qilghan.

Toluq bet