Amérika emeldari xitayning yéngi pasporti mesilisige diqqet qilidighanliqini bildürdi

Amérika emeldari xitayning yéngi pasportidiki xitay xeritisi ichige kirgüzüwélin'ghan jenubiy déngizdiki arallar mesilisi tüpeylidin kélip chiqqan xelq'araliq jédellerge diqqet qiliwatqanliqini bildürdi.
Muxbirimiz méhriban
2012-11-30
Élxet
Pikir
Share
Print

Amérika dölet mejlisi bayanatchisi wiktori'al nuland tünügün 29-noyabir bayanat élan qilip, "Xitayning yéngi pasporti keltürüp chiqarghan majiralargha qarita, amérika, xitay hökümitidin hazirgha qeder ikki qétim bu mesilige chüshendürüsh bérishni telep qildi. Xitay hökümiti bu mesilige qarita özining qarishini bildürüp ötti.Emma biz bashqa döletler bilen birlikte xitay hökümitining bu mesile heqqide qayta oylinishini ümid qilimiz" dédi.

Xitayning bu yil 5-ayda tarqatqan yéngi pasportida uzundin buyan jenubiy déngizdiki döletler arisida talash-tartishlargha seweb boluwatqan arallarni öziningki qiliwalghanliqi filippin, wyétnam, hindistan, malayshiya, teywen, bronéy qatarliq qoshna memliketlerde we rayonlarda naraziliq peyda qilghan idi. Tünügün filippin qatarliq döletler bayanat élan qilip, xitayning yéngi pasportigha wiza bermeydighanliqini uqturghan. Xitay terep bolsa jenubiyy déngiz tewelikige kiridighan kémilerge qarita tekshürüshni yolgha qoyidighanliqini bildürgen idi.

Pikirler (0)
Share
Toluq bet