Тибәтләр районидики йәр тәврәш апитидә өлгәнләр миңдин ашқан

Чиңхәй өлкисиниң тибәтләр мәркәзлик олтурақлашқан йишу областидики йәр тәврәш апитидә өлгәнләрниң сани үзлүксиз көпийип, миңға йетидиғанлиқи пәрәз қилинди. Йәр тәврәш апити йүз берип, 2‏ - күни 791 кишиниң өлгәнлики мәлум болғанлиқи, 300 гә йеқин кишиниң из дерики йоқлуқи, яриланғанларниң болса 9 миңдин ашидиғанлиқи илгири сүрүлмәктә.
Мухбиримиз әркин
2010-04-16
Share

Лекин даириләр өлгән пуқраларниң саниниң 617 нәпәр икәнликини елан қилди. Йәрлик пуқралар өлгәнләрниң сани һөкүмәт елан қилғандин көп икәнликигә ишинидиғанлиқини билдүрмәктә.

Хитай мәтбуатлири бу һәқтики хәвәрлиридә хитай баш министири вен җябавниң җүмә күни апәт районини көздин кәчүрүп, даириләргә "имканийәтниң баричә" қутқузуш елип бериш йолйоруқи бәргәнликини илгири сүргән.

Мәтбуатлар һәрбий қисимларниң вә қутқузуш хадимлириниң апәт районида җиддий қутқузуш елип бериватқанлиқиға даир мәдһийә характерлик тәшвиқат хәвәрлирини кәң көләмлик тарқатмақта. Лекин апәт районидики йәрлик амма ярдәмгә еришәлмәйватқанлиқини шикайәт қилип, чедир, йемәк - ичмәк һәм йеқилғу мәсилисидә җиддий қийинчилиққа учраватқанлиқини, бу җәһәттики ярдәм буюмлириниң һазирға қәдәр йетип кәлмигәнликини, кечини талада өткүзүшкә мәҗбур болуватқанлиқини билдүргән.

Америка йишудики йәр тәврәш апитигә көңүл бөлидиғанлиқини ипадилиди. Түнүгүн ақсарай баянат елан қилип, апәткә учриғанлардин һал сорайдиғанлиқини билдүргән иди. Бүгүн америка авам палата рәиси нәнси пәлуси ханим баянат елан қилип, америкиниң пүтүн күчи билән ярдәмгә тәйяр икәнликини әскәртти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт