Tibetler rayonidiki yer tewresh apitide ölgenler mingdin ashqan

Chingxey ölkisining tibetler merkezlik olturaqlashqan yishu oblastidiki yer tewresh apitide ölgenlerning sani üzlüksiz köpiyip, minggha yétidighanliqi perez qilindi. Yer tewresh apiti yüz bérip, 2‏ - küni 791 kishining ölgenliki melum bolghanliqi, 300 ge yéqin kishining iz dériki yoqluqi, yarilan'ghanlarning bolsa 9 mingdin ashidighanliqi ilgiri sürülmekte.
Muxbirimiz erkin
2010-04-16
Share

Lékin da'iriler ölgen puqralarning sanining 617 neper ikenlikini élan qildi. Yerlik puqralar ölgenlerning sani hökümet élan qilghandin köp ikenlikige ishinidighanliqini bildürmekte.

Xitay metbu'atliri bu heqtiki xewerliride xitay bash ministiri wén jyabawning jüme küni apet rayonini közdin kechürüp, da'irilerge "imkaniyetning bariche" qutquzush élip bérish yolyoruqi bergenlikini ilgiri sürgen.

Metbu'atlar herbiy qisimlarning we qutquzush xadimlirining apet rayonida jiddiy qutquzush élip bériwatqanliqigha da'ir medhiye xaraktérlik teshwiqat xewerlirini keng kölemlik tarqatmaqta. Lékin apet rayonidiki yerlik amma yardemge érishelmeywatqanliqini shikayet qilip, chédir, yémek - ichmek hem yéqilghu mesiliside jiddiy qiyinchiliqqa uchrawatqanliqini, bu jehettiki yardem buyumlirining hazirgha qeder yétip kelmigenlikini, kéchini talada ötküzüshke mejbur boluwatqanliqini bildürgen.

Amérika yishudiki yer tewresh apitige köngül bölidighanliqini ipadilidi. Tünügün aqsaray bayanat élan qilip, apetke uchrighanlardin hal soraydighanliqini bildürgen idi. Bügün amérika awam palata re'isi nensi pelusi xanim bayanat élan qilip, amérikining pütün küchi bilen yardemge teyyar ikenlikini eskertti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet