Da'iriler qeshqerning yeken nahiyiside rojistiwa we yéngi yil munasiwiti bilen yighilish ötküzgen Uyghur we xitay xristi'anlirining diniy murasimigha mudaxile qildi

Yéqinda yeken nahiyisidiki yerlik da'iriler mezkur nahiyidiki bir top Uyghur we xitay xristi'an muritlirining bir yerge toplinip, rojistiwa bayrimi we yéngi yil munasiwiti bilen ötküzgen birleshme diniy murasimigha mudaxile qilghan.
Muxbirimiz erkin
2010-12-31
Share

Uyghur élide xristi'an missi'onérliq pa'aliyiti élip baridighan amérikidiki xristi'an diniy guruhi " junggo yardem jem'iyiti" ning ashkarilishiche, yerlik da'iriler ötken yekshenbe küni yeken nahiyiside bir yerge toplinip, diniy murasim ötküzmekchi bolghan Uyghur, xitay xristi'an muritliridin 31 kishining murasim ötküzüshige yol qoymighan we ularning "qanunsiz diniy yighilish" élip barghanliqini bahane qilip, ularni tarqitiwetken.

Lékin bu weqe yéqinqi bir heptidin béri Uyghur élide yüz bergen xristi'an muritlirining diniy pa'aliyitining yerlik da'iriler teripidin mudaxilige uchrighanliqigha da'ir birdin - bir weqesi emes. Buningdin sel burun 21 - dékabir küni Uyghur ilining chitey nahiyiside bir yer asti xristi'an chérkawining 3 neper muriti tutqun'gha uchrap, " qanunsiz diniy yighilish"qa qatnishish bilen eyiblen'gen. Da'iriler ularni 5 kün qamap qoyup, 27 ‏- chésla qoyup bergen idi.

"Junggo yardem jem'iyiti" ning melumatidin qarighanda yekendiki diniy murasimigha qatnashqan Uyghur we xristi'an muritlirining ichide da'iriler teripidin tutup qélin'ghanlar yoq.

Uyghur ilining weziyitidin xewerdar bezi analizchilarning ilgiri sürüshiche we amérika dölet ishlar ministirliqining kishilik hoquq doklatliridin melum bolushiche, xitay hökümiti Uyghurlar bilen tungganlargha oxshimighan diniy siyaset yürgüzüpla qalmay, xristi'anlar bilen musulmanlargha oxshimighan siyaset yürgüzmekte. "Qanunsiz" dep qaralghan xristi'an diniy pa'aliyetlirige süküt qilmisimu, lékin Uyghur musulmanlirining atalmish "qanunsiz diniy pa'aliyetlirini " üzül-késil basturmaqta we musulman diniy zatlarni uzun muddetlik qamaq jazasigha höküm qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet