Yerkenttiki qatnash weqeside 8 adem hayatidin ayrildi

Bu weqe heqqidiki uchur derhal xitayning shinxu'a agéntliqi teripidin tarqitilghandin kéyin xelqara ammiwi axbarat wasitilirimu xewer berdi. En'gliye b b s agéntliqi bolsa, qeshqer rayonida qatnashqan weqesi yüz bérip 8 ademning ölgenliki heqqide uchur tarqatti. Emma mezkur uchur wasitilirining héch qaysisida bu weqede qaza qilghanlarning millet terkibi heqqide héch néme déyilmigen. Xitay axbaratining tarqatqan uchurida éytilishiche, 7 adem olturghan jip mashina bilen “Sherq shamili” markiliq bir paxta basqan yük aptomobili yerkent nahiyisi teweside chong yolda soqushup kétip, jip mashinidiki 4 adem neq meydanda ölgen, bashqa yarilan'ghan 3 adem we chong yük aptomobilining shopuri doxturxanida hayatidin ayrilghan.

Melum bolushiche, yéqinqi yillar ichide Uyghur élide bolupmu qeshqer, ürümchi, xoten qatarliq jaylarda bir qatar weqeler yüzbergendin kéyin, xelqara metbu'atlar bu jaylardiki her qandaq shekildiki weqelerni xewer qilishqa ehmiyet bérishke bashlighan.