Калифорнийидә 'йипәк йолидики қәдимки җәсәтләр' көргәзмиси ечилди

Хәвәрләрдин мәлум болушичә, калифорнийә санта ана шәһиридики боверс мозийида 2010 - йили 27 - марттин 25 - июлғичә, " йипәк йолидики қәдимки җәсәтләр" намидики көргәзмә ечилидикән.
Мухбиримиз миһрибан
2010.03.26

Музей мәсулиниң билдүрүшичә, бу қетимлиқ көргәзмигә тарим вадисидин тепилған қәдимки җәсәтләр һәм қәдимки қәбриләрдин қезивелинған 150 парчидин артуқ дәпнә буюмлири қоюлған болуп, уйғур аптоном районлуқ музий вә архиологийә иниститути тәрипидин тәминләнгән бу дәпнә буюмлири ичидә, йипәк вә юңдин тоқулған қәдимки кийим - кечәкләр, қәдимки пуллар, һөҗҗәтләр, зибу - зиннәт буюмлири, һәр хил ниқаблар бар икән.

Мутәхәссисләрниң билдүрүшичә, тарим вадисидин бу йилларда тепилған қәдимки җәсәтләр бундин 3800 йиллар илгирики дәврләргә тәәллуқ болуп, улар асасән тарим вадисидики көнчи дәряси бойидики қәдимки қәбриләрдин қезивелинған икән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.