Xitay öktichi yazghuchisi yü jyé, "Shinjang mesilisi" ning kelgüsidiki ehwali nahayiti müshkül bolidighanliqini bildürdi

Xitay öktichi yazghuchisi yü jyé peyshenbe küni Uyghur mesilisi heqqide pikir bildürüp, "Shinjang mesilisi" ning tibetke qarighanda kelgüsidiki ehwali nahayiti müshkül bolidighanliqi, buningdiki seweb Uyghur ilidiki xitay köchmenlirining ikenlikini bildürdi.
Muxbirimiz erkin
2012-09-28
Share

U bu sözni 28-séntebir merkizi washin'gtondiki xelq'ara tibet herikiti teshkilatida nutuq sözligende tekitlidi.

Uning ilgiri sürüshiche, "Uyghur mesilisi milletlerning öz teqdirini özi hel qilish nuqtisidin tibet mesilisi bilen oxshash xaraktérge ige bolsimu, biraq bu ikki rayonning ehwalini konkrét tehlil qilghanda, kelgüside shinjang mesilisi nahayiti müshkül bolidu".

Yü jyéning qarishiche, kompartiyining tibetni igiliwalghanliqigha yérim esirdin ashqan bolsimu, biraq xenzular tibetke kéngiyip yiltiz tartalmighan. Tibettiki xenzular peqet hökümet xadimlirini we tijaretchi xenzularni asas qilghan. Künlerning biride weziyet özgirip, tibet musteqilliqqa érishse, xenzularning tibettin chiqip kétishi asan'gha chüshidu. Biraq Uyghur ilining ehwali buninggha oxshimaydu. U eskertip: shinjangda bir qanche ewlad bu yerde yashawatqan nurghun xenzu bar. Kelgüside bu yerde tughulghan xenzular bilen yerlik Uyghur we bashqa yerlik milletler arisidiki toqunush nahayiti keskin bolushi mumkin, dep körsetti.

Yü jyé, nobél tinchliq mukapati sahibi, ataqliq xitay öktichiliridin lyu shyawbo 2008‏-yili qozghighan asasiy qanun nizamname herikitige awaz qoshup, uninggha imza qoyghan xitay öktichi yazghuchilirining biri.

Xristi'an muriti bolghan yü jyé, bu yil 1‏-ayda amérikigha kelgen. U xelq'ara tibet herikiti teshkilatida sözligen nutqida eskertip, tibet mesilisi peqet xitay démokratiyileshkende hel bolidighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet