Dunya sehiye teshkilati xotende yulun yallughi wirusi bilen yuqumlan'ghuchilarning sani köpiyishi mumkin dep agahlandurdi

Sehiye teshkilati poli'o wirusi, yeni yulun yallughi wirusi tetqiqat institutining jenwediki bayanatchisi oliwér rosénba'ir peyshenbe küni bergen bayanatida mezkur wirusi bilen yuqumlan'ghanlarning sanining 17'ge yetkenlikini élan qilghan. Bularning 8 nepir 2-yashtin 4-yashqiche bolghan balilar bolup, qalghan 9 nepiri qorumigha yetkenler iken.

Bayanatchi oliwér yuqumlan'ghuchilar sanining dawamliq köpiyishi mumkinlikini agahlandurghan. U mezkur wirusning Uyghur élidiki yamrash ehwalini shiddetlik dep éytishqa bolmisimu, emma uni pütünley yoqitish üchün bir yildin artuq waqit kétishi mumkinliki, uningghiche tehditning dawamliq mewjut bolup turidighanliqini éytqan.

Yerlik tilda yulun yallughi dep atilidighan poli'o wirusining xotende tarqalghini "Bir tipliq poli'o wirusi" dep atilidighan bolup, uning tarqilishchanliqi hem paraléchliqqa seweb bolush éhtimalliqi bashqa tiptiki poli'o wiruslirigha qarighanda küchlük iken. Hazirghiche, xotende bu wirus bilen ölgenlerning sani bir neper dep élan qilindi.

Mezkur wirus xitayda eng axirqi qétim 1999-yili körülgen bolup, bu nöwet wirusning pakistandin kirgenliki melum bolghan. Uyghur aptonom rayonluq sehiye tarmaqliri dunya sehiye teshkilati bilen birlikte Uyghur élidiki barliq wilayet-sheherlerde 5 yashtin töwen balilargha waksina emligen. Ürümchini öz ichige alghan 6 wilayet-sheherde 15 yashqiche bolghan balilargha, xotende 40 yashqiche bolghan kishilerge waksina emlen'gen.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar