Yünnende öyi chéqilghan ahaliler yol tosup naraziliq bildürdi

Radi'omiz xitayche bölümining xewer qilishiche, xitayning yünnen ölkisining süyjyang nahiyisidiki bir qisim déhqanlar, jüme künidin bashlap nahiye bazirida topliship namayish qilghan we yol tosup hökümetke naraziliq bildürgen.
Muxbirimiz shöhret hoshur
2011.03.29

Melum bolushiche, nahiyide yéngidin quruluwatqan shyangjyaba su su tosmisi etraptiki birqanche yüz a'ilining öylirining chéqilishigha seweb bolghan.

Tölem üchün bérilgen pul yéterlik bolmighan hem körsitilgen yéngi jayliq yermu köngüldikidek bolmighachqa, ahaliler deslepte yazma teklip sunup hökümettin tölem pulini köpeytip bérishni we yéngi jayliq yerni yenggüshlep bérishni telep qilghan.

Hökümet ahalilerning telipige derhal jawab qayturmighachqa, nahiye bazirigha toplinish we yol tosush sheklide hökümetke naraziliq bildürgen.

Xewerge alaqidar süretlerdin körülüshiche, yol tosushqa qétilghanlarning sani birqanche yüz bolup, birqanche kündin béri etraptiki yollarda qatnash palech haletke chüshken.

Muxbirimizning so'allirigha jawab bergen saqchilar weqening beshinchi küni yeni bügün etraptiki yollarda qatnashning eslige kelgenlikini, emma ahalilerning naraziliq keypiyatining téxi bésiqmighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.