بۇ خەۋەر خەلقئارا ئاگېنتلىقلار تەرىپىدىن خەۋەر بەس - بەستە خەۋەر قىلىندى. رويتېرسنىڭ خەۋەر قىلىشىچە، زامبىيە ساقچىلىرى بۇ ئىككى خىتاي دىرېكتورنى تۇتۇپ، سوراق قىلىشنى باشلىغان. تىنچ نامايىشچىلارنى ئوققا تۇتقان مەزكۇر ئىككى خىتاي خوجايىن پات ئارىدا سوتلىنىدىكەن.
مەلۇم بولۇشىچە، زامبىيىلىك ئىشچىلار خىتاي ئىگىدارچىلىق قىلغان مەزكۇر كاننىڭ شارائىتىنىڭ ناچارلىقىغا نىسبەتەن نارازىلىق بىلدۈرگەن ئىكەن.
ھازىر، خىتاي ھۆكۈمىتى ئافرىقىدىكى بىر قىسىم مەملىكەتلەرگە مەبلەغ سېلىپ، ئۇلارنىڭ كان بايلىقلىرىنى قازماقتا. ئۆتكەن يىلى خىتاي زامبىيىگە كان بايلىقىنى قېزىشقا مۇناسىۋەتلىك 400 مىليون دوللار مەبلەغ سالغان.