Барак обама зәһәр әткәсчилирини җазалашни оттуриға қойди

Америка президенти барәк обама түнүгүн зәһәр әткәсчилирини җазалашни оттуриға қойған иди. Бүгүн ақсарай президент обаманиң тәлипигә бинаән, колумбиялиқ даниял рендон һеррера, авғанистанлиқ һаҗи җүмәхан, винисуилалиқ вәлид маклет гарсика, пакистанлиқ имам бхел қатарлиқ әң чоң зәһәр әткәсчилириниң исмини елан қилди.
Мухбиримиз вәли
2009.05.30

Бирләшмә агентлиқиниң баян қилишичә, бу қетим исми елан қилинған әң чоң зәһәр әткәсчилири яки гуроһлар, америкида 1999 ‏ - йили мақулланған қанунға асасән бекитилгән. Бу қанунда, америка чәтәллик зәһәр әткәсчилири яки гуроһларниң америкидики һәр қандақ шәхс яки иқтисадий гәвдидин пайдилинишини чәкләйду вә уларға җаза қоллиниду, дәп бәлгиләнгән иди.

Ақсарайниң чүшәндүришичә, бу қанун буйичә җазалашқа тегишлик зәһәр җинайәтчиси яки гуроһниң сани 2000‏ - йили 78 иди. Һазир 82 гә йәтти. Һазир бу зәһәр җинайәтчилирини америка қануни буйичә җазалаш һечқандақ бир дөләткә қаритилмайду, пәқәт зәһәр җинайәтчилири яки гуроһниң өзигила қаритилиду.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.