Barak obama zeher etkeschilirini jazalashni otturigha qoydi

Amérika prézidénti barek obama tünügün zeher etkeschilirini jazalashni otturigha qoyghan idi. Bügün aqsaray prézidént obamaning telipige bina'en, kolumbiyaliq daniyal réndon hérréra, awghanistanliq haji jümexan, winisu'ilaliq welid maklét garsika, pakistanliq imam bxél qatarliq eng chong zeher etkeschilirining ismini élan qildi.
Muxbirimiz weli
2009-05-30
Share

Birleshme agéntliqining bayan qilishiche, bu qétim ismi élan qilin'ghan eng chong zeher etkeschiliri yaki gurohlar, amérikida 1999 ‏ - yili maqullan'ghan qanun'gha asasen békitilgen. Bu qanunda, amérika chet'ellik zeher etkeschiliri yaki gurohlarning amérikidiki her qandaq shexs yaki iqtisadiy gewdidin paydilinishini chekleydu we ulargha jaza qollinidu, dep belgilen'gen idi.

Aqsarayning chüshendürishiche, bu qanun buyiche jazalashqa tégishlik zeher jinayetchisi yaki gurohning sani 2000‏ - yili 78 idi. Hazir 82 ge yetti. Hazir bu zeher jinayetchilirini amérika qanuni buyiche jazalash héchqandaq bir döletke qaritilmaydu, peqet zeher jinayetchiliri yaki gurohning özigila qaritilidu.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet