Xitayning zéjin kan shirkiti kan weqeside ölgenlerge 50 milyon yüen tölem bermekchi

Xitayning chong shirketliridin zéjin kan shirkiti, seyshenbe küni bayanat élan qilip, bu yil séntebirde kan örülüsh weqeside ölgen 22 kishining a'ilisige jem'iy 50 milyon tölem töleydighanliqini bildürgen.
Muxbirimiz shöhret hoshur
2010-12-29
Élxet
Pikir
Share
Print

Bayanatta bildürülüshiche, shirket 50 milyon pulni mezkur a'ililerge yetküzüp bérish üchün hökümetning alaqidar organlirigha tapshurup bolghan. Bu kan örülüsh weqesi bu yil 9 ‏-ayda gu'angdung ölkisining shinyi shehiride yüz bergen. Alaqidar orunlar tekshürüsh dawamida, weqening qurulush eslihelirining ölchemlik emeslikidin kélip chiqqanliqini éniqlap chiqqan.

Közetküchilerning qarishiche, xitayda kan ishchilirining ölüsh we yarilinish weqeliri her waqit yüz bérip turuwatqan bolsimu, bularning ichide köpinchisi héchqandaq yaki yéterlik derijide tölemge érishelmigen. Uyghur közetküchilerning bildürüshiche, dölet we hökümet organlirining mes'uliyetsizliki sewebidin ziyankeshlikke uchrighuchilarning tölemge érishelmeslik ehwali Uyghur élide téximu köp.

1993 ‏-Yili qeshqerde élip bérilghan bir qétimliq herbiy meshiqtin kéyin, herbiylerning mes'uliyetsizliki sewebidin, pakiz tazilanmighan meshiq meydanida qalduq bomba partlash weqesi yüz bérip, onnechchiligen ösmür bala ölgen we yarilan'ghan. Bularning héchbirige meyli hökümet, meyli herbiy qisim héchqandaq tölem bermigen. Bu weqede ziyankeshlikke uchrighuchilardin tursun ghopur nöwette béyjingda tölem telep qilip, 10 nechche yildin béri erz ishi bilen meshghul bolmaqta.

Toluq bet