Тунусниң 24 йиллиқ истибдат президенти зәйнул-абидин бин алий дөлитидин қачти

24 Йилдин буян туниста һакимийәт сорап кәлгән президент зәйнул-абидин бин алий хәлқ һәрикитиниң бесимида җүмә күни айропиланға олтуруп дөлитидин айрилған.
Мухбиримиз әркин
2011-01-14
Share

Униң қайси тәрәпкә кәткәнлики һазирға қәдәр мәлум әмәс. Хәлқара ахбарат васитилириниң хәвәр қилишичә, тунус баш министири муһәммәт ғанучи вақитлиқ президентлиқни өткүзүвалғанлиқини җакарлиған. Бу һәқтики хәвәрләрдә бин алиниң шу йәрниң вақти билән җүмә күни кәчтә айропиланға олтуруп дөлитидин айрилғанлиқи, һәрбий даириләрниң айродром вә тунус һава бошлуқини учушқа тақиғанлиқи илгири сүрүлгән.

Даириләр җүмә күндин башлап мәмликәт бойичә җиддий һаләт елан қилип, аммиви йиғилишни чәклигән шундақла бихәтәрлик күчлиригә хилаплиқ қилғучиларни бастуруш һоқуқи бәргән. Йеқинқи бир қанчә һәптидин бери туниста кәң көләмлик хәлқ намайиши партлап, мал баһасиниң өсүп кетиши вә ишсизлиққа наразилиқ билдүргән.

Намайишчилар президенти бин алиниң истепа беришини тәләп қилған иди. Бу җәрянда намайиш тәрәққий қилип, қораллиқ күчләр билән намайишчи амма арисидики тоқунушқа айланған. Тоқунушта нурғун адәм өлгән болсиму, лекин өлгүчиләрниң һеқиқи саниға даир мәлуматлар һәр хил болуп, хәлқара кишилик һоқуқ федератсийиси пәйшәнбә күнгә қәдәр 66 адәмниң өлгәнликини илгири сүргән иди.

Бәзи мәтбуатларниң йәрлик дохтурхана даирилиридин нәқил кәлтүрүп бәргән хәвәрлиридә пәйшәнбә күни бир күнниң өзидила 13 адәмниң өлгәнлики илгири сүрүлгән.

Бин алий пәйшәнбә күни тунус бихәтәрлик күчлиригә намайишчиларға қаритип оқ чиқармаслиқ тоғрисида буйруқ чүшүргән иди. Бу қетимқи намайиш алди билән тунусниң өткән йили декабирда тунусниң сиди бозид районида йүз бәргән. Намайиш кочида мал сетиватқан 26 яшлардики бир алий мәктәп пүттүргән оқуғучиниң мелини сақчиларниң мусадирә қилишиға нарази болуп, өзигә от қоюп бериши билән башланған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт