Асаси қатлам кадирлири: “‛қошмақ туғқан‚ лар орун йетишмисә өй игиси билән бир карватта ятиду”
Хитай кадирлири уйғур аилилирини “макан” қилип, сиясий тәқибләш елип бармақта.
hrw.org
Мухбиримизниң қәшқәргә қарита елип барған телефон зиярәтлири давамида йезида вәзипә өтәватқан хадимлардин бири аһалиләрниң өйлиригә қонғили кәлгән аталмиш “қошмақ туққанлар” ниң һәммисиниң дегүдәк әр икәнлики, орун йетишмигән әһвал астида өй игиси билән бир карватта ятидиғанлиқи, әр-аял дәп айримайдиғанлиқи, пәқәт карватта азрақ арилиқ қоюп қойидиғанлиқини тилға алди. Йәнә бир хадим бу бир карватта йетишниң “милләтләр иттипақлиқи” ни күчәйтиш үчүн икәнликини илгири сүрди. Төвәндә мухбиримиз шөһрәт һошурниң бу һәқтә тәйярлиған программиси диққитиңларда болиду.
Хитай даирилири уйғур районида йолға қоюватқан аталмиш “қошмақ туғқан” сиятиниң иҗраси давамида “аһалиләр билән ишта, тамақта вә йетип-қопушта биллә болуш” тәшәббуси бойичә уйғурларниң өйлиригә қонғили кәлгән хитай кадирлириниң уйғур өрп-адәтлирини еғир дәриҗидә дәпсәндә қиливатқанлиқи ашкариланмақта. Телефонимизни қобул қилған юқиридин йезиға хизмәткә чүшкән бир хадим аталмиш “қошмақ туғқан” ларниң қонғили кәлгән аилидики әһвали һәққидә бир қисим тәпсилатларни аңлатти.
Мәзкур йезидики бир мәһәллә башлиқи “қошмақ туғқан” лар һәққидә юқирида дейилгәнләрниң тоғрилиқини дәлиллиди.
Илгири хотәндин зияритимизни қобул қилған бәзи аһалиләрму хитай кадирларниң аталмиш “қошмақ туғқан” лири билән биллә йетип қопидиғанлиқини баян қилишқан иди.
- Әлфидар илтәбир америка уйғур бирләшмисиниң йеңи нөвәтлик рәисликигә сайланди
- Ғулҗада түрмидин чиққан яқуп һәсән һарпа күни, оғли билал яқуп һейт күни түгәп кәткән
- Шаңхәй кочилиридики сәргәрдан уйғур йигити вә хитай завутлириға йөткәлгән уйғурлар
- Б д т әмәлдариниң хитайниң уйғурлар һәққидики сахта тәшвиқатлириға маслишип, хитайдин 200 миң доллар пул алғанлиқи ашкариланди
- Әнгилийәдики бир тәшкилат әнглийәниң уйғур елидики вәһшиликкә четишлиқ хитай сақчи органлири билән болған алақисини паш қилди
