D u q dunyaning her qaysi jaylirida qurbanliq qilalmighan Uyghurlarni untumidi

Ixtiyariy muxbirimiz erkin tarim
2022.07.12
Share on WhatsApp
Share on WhatsApp
D u q dunyaning her qaysi jaylirida qurbanliq qilalmighan Uyghurlarni untumidi D u q qurbanliq i'anilerni pakistandiki Uyghurlargha ewetti. 2022-Yili 9-iyul, pakistan.
RFA/Erkin Tarim

Korona wirusi tarqalghandin kéyin kélip chiqqan iqtisadiy krizis, ish we soda ishlirining aqsap qélishi qatarliq türlük seweblerdin xuddi dunyaning köp elliridikige oxshashla türkiye, qazaqistan, qirghizistan, pakistan we afghanistan qatarliq ellerdiki Uyghurlarmu iqtisadiy hem turmush jehettin qiyin ehwallarda qalmaqta. Bu sewebtin qurbanliq qilalmighan Uyghurlarning sanimu köpeygen. Bundaq éghir bir peytte d u q yuqiridiki döletlerdiki qurbanliq qilalmighan Uyghurlarnimu untumidi.

D u q yawropa döletliridiki türk we bezi musulman döletlerning ammiwi teshkilatliri we Uyghurlar teqdim qilghan qurbanliq i'anilirini türkiye, ottura asiya türkiy jumhuriyetliri, pakistan we afghanistan qatarliq döletlerdiki yüzligen Uyghur a'ilisige ewetip bergen.

D u q ning bash meslihetchisi, siyasetshunas qehriman ghojamberdi d u q tapshuruwalghan i'anilerni qazaqistandiki Uyghurlargha ewetkinige teshekkür éytti. 2022-Yili 9-iyul, almuta.
D u q ning bash meslihetchisi, siyasetshunas qehriman ghojamberdi d u q tapshuruwalghan i'anilerni qazaqistandiki Uyghurlargha ewetkinige teshekkür éytti. 2022-Yili 9-iyul, almuta.
RFA/Erkin Tarim

D u q re'isi dolqun eysa ependi aldi bilen pütün dunyadiki barliq Uyghurlarning qurban héytini tebrikligendin kéyin bu qétimqi qurbanliq yardem pa'aliyitining meqsiti toghrisida toxtaldi.

D u q ijra'iye komitéti mu'awin re'isi turghunjan alawuddin ependi so'alimizgha jawab bérip, qurbanliq qilish we i'ane qilishning ehmiyiti toghrisida toxtilip mundaq dédi: “Qurbanliq qilish her qandaq hal oqiti jayida, turmushi yaxshi musulman'gha perz. Shuning üchün bu perzni ada qilimiz dep pütün dunyadiki musulmanlar qurbanliq qilidu. Qurbanliqni peyghembirimizning hedisi sheripi boyiche üchke bölidu. Peyghembirimiz qurbanliq qilsanglar göshning bir qismini perzentliringlar bilen yenglar, yene birqismini qoshna we dost buradiringlar bilen yenglar, bir qismini kembeghel, miskin, qurbanliq qilalmighanlar bilen ortaqlishinglar dep körsetken. Bu hediste déyilgenlerge asasen qurbanliq göshliri bir terep qilinidu”.

Qirghizistandiki Uyghurlar d u q ewetken i'anilerni tapshuruwalghanliqigha teshekkür éytti. 2022-Yili 9-iyul, almuta.
Qirghizistandiki Uyghurlar d u q ewetken i'anilerni tapshuruwalghanliqigha teshekkür éytti. 2022-Yili 9-iyul, almuta.
RFA/Erkin Tarim

Igilishimizche d u q gerche siyasiy teshkilat bolsimu qurulghandin tartip türk, Uyghur, ereb we bashqa musulman xelqlerdin yighqan i'anilerni dunyaning herqaysi jaylirida qiyin ehwalda qalghan Uyghurlargha tarqitip kéliwatqaniken. Turghunjan alawuddin ependi bu yilmu ottura asiya türkiy jumhuriyetliri, pakistan, türkiye we afghanistan qatarliq jaylardiki Uyghurlargha qurbanliq ewetkenlikini bildürdi. U, mundaq dédi: “Biz d u q yillardin buyan qolida bar türk we Uyghurlar i'ane qilghan qurbanliqlarni wetenning yoli étilmestin burun sherqiy türkistanning her qaysi jayliridiki kishilerge yetküzüp bérettuq. Xitay 2016-yilining axirida wetendiki xelqimizning chet'el bilen bolghan munasiwitini üzül-késil üzüwetkendin kéyinmu qurbanliqlarni yighip türkiye, ottura asiya türkiy jumhuriyetliri, pakistan we afghanistanda Uyghurlargha tarqitip bériwatimiz. Bu yilmu hem shundaq qilduq”.

D u q ning qirghizistandiki maliye ishlirigha mes'ul wekili dilmurat ekberof ependi d u q ewetken qurbanliqlarni qirghizistanda Uyghurlar zich olturaqlashqan yézilardiki Uyghurlargha tarqitip bergenlikini bildürdi.

Pakistandiki ömer Uyghur wexpisi re'isi ömer Uyghur ependi korona wirusi peyda bolghandin kéyinki qurban héyitlirida pakistandiki Uyghurlarning köpining qurbanliq qilalmighanliqini, bundaq bir peytte bu yardemning ehmiyitining zor bolghanliqini, Uyghurlarning dunya Uyghur qurultiyigha minnetdarliqini ipadileshkenlikini bayan qildi.

2020-Yilining bashlirida korona wirusi pütün dunyada yamrashqa bashlan'ghandin kéyin dunyaning her qaysi döletliride pa'aliyet élip bériwatqan 40 tin artuq Uyghur teshkilati d u q ning yétekchilikide “Wirus krizisi yardem merkizi” qurghanidi. Mezkur merkez dunyaning herqaysi jayliridiki Uyghurlardin 160 ming dollar pul i'ane toplap tarqatqanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.