Рәһимә мәһмут әнглийә падишаһи билән көрүшти

Вашингтондин мухбиримиз нуриман тәйярлиди
2023.11.09
rehime-mehmut-charliz3 “уйғур қирғинчилиқини тохтат” намлиқ тәшкилатниң иҗраийә мудири вә дуня уйғур қурултийиниң әнглийә ишханисиниң мудири рәһимә мәһмут әнглийә падишаһи чарлиз билән көрүшкәндики сүрәт, 2023-йили 8-ноябир, лондон
Rehime mehmut

8- Ноябир күни әнглийә падишаһи вә ханиши буккинхам ордисида глукестер кинәзликиниң һәмраһлиқида әнглийәниң инсанпәрвәрлик ишлириға қошқан төһписигә, җүмлидин әнглийә “апәттин қутқузуш комитети” ниң 60 йиллиқини тәбрикләш мунасивити билән күтүвелиш зияпити өткүзгән.

Бу зияпәткә әнглийәлик уйғур сиясий паалийәтчи рәһимә мәһмут ханим тәклип билән қатнашқан. Рәһимә ханимниң радийомизға билдүрүшичә, у падишаһ билән көрүшүп қисқа болсиму параңлишиш пурситигә еришкән. Падишаһ рәһимә ханимға униң қиливатқан ишлириниң муһимлиқини ейтип, инсанийәткә қошқан төһписи үчүн миннәтдарлиқини билдүргән.

Хан җәмәти гезитиниң рәсмий тор бетидики мәлуматларға қариғанда, мәзкур күтүвелиш зияпитигә хәйр-сахавәт органлириниң вәкиллири, дуняниң һәр қайси җайлиридин әнглийәгә келип бу йәрдә йеңи һаятини башлиған, өз мәдәнийити сақлап қелишта тиришчанлиқ көрситиватқан шәхсләр, дуня тинчлиқи үчүн пидакарлиқ билән хизмәт қиливатқан ахбарат саһәсидикиләр вә башқа нурғун кишилик һоқуқ қоғдиғучилири тәклип қилинған.

Биз бу мунасивәт билән рәһимә мәһмут ханимни бүгүнки сөһбәт пирограммимизға тәклип қилдуқ.

Рәһимә мәһмут ханим билән өткүзгән сөһбитимизниң тәпсилатини юқиридики улиништин аңлиғайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.