Үрүмчи шәһәрлик оттура сот хадими: «рәшидә давутни 15 йиллиқ кесилди дәп аңлидим»

Мухбиримиз шөһрәт һошур
2020-03-19
Елхәт
Пикир
Share
Принт
Атақлиқ нахшичи рәшидә давут.
Атақлиқ нахшичи рәшидә давут.
Photo: RFA

Бүгүн мухбиримиз бир мәзгил лагерда ятқандин кейин кесиветилгәнлики ашкариланған Атақлиқ нахшичи рәшидә давутнИң қанчә йил кесилгәнликини ениқлаш үчүн үрүмчи шәһәрлик вә уйғур аптоном районлуқ аяллар бирләшмиси, шундақла үрүмчи шәһәрлик оттура сот мәһкимисигә телефон қилди. Оттура соттики алақидар бир бөлүмниң хадими өзиниң рәшидә давут һәққидики сот һөкүмини техи көрмигәнликини, әмма уни 15 йиллиқ кесилди дәп аңлиғанлиқини баян қилди.

Хитай даирилири лагердики тутқунларниң учурини әң йүксәк дөләт мәхпийәтлики қатарида изчил һалда сир тутуп кәлмәктә. Мәлум болушичә, даириләр тутқунларниң учурини ахбараттинла әмәс, бәлки уларниң аилә тавабиатлиридинму йошурмақта. Шуңа атақлиқ нахшичи рәшидә давутниң тутулуш вә кесилиш сәвәби, болупму кесилгән муддити һәққидә бүгүн йәнә бир түркүм идарә органларни зиярәт қилдуқ.

Аталмиш аяллар һоқуқини қоғдаш үчүн қурулғанлиқи илгири сүрүлүп келиниватқан уйғур аптоном районлуқ аяллар бирләшмисиниң мәсуллириму рәшидә давут һәққидә мәлумат берәлмиди.

Түнүгүнки ениқлашлиримизда үрүмчидики бир районлуқ сот оргини рәшидә давут үстидики һөкүмни үрүмчи шәһәрлик оттура сот мәһкимисиниң чиқарғанлиқи, шуңа җаза муддитиниму шуларниң ениқ билидиғанлиқини баян қилған иди. Үрүмчи шәһәрлик оттура соттики бир хадим өзиниң рәшидә давутниң кесилгәнликидин хәвири барлиқини тилға алған болсиму, әмма һөкүмни җинайи ишлар бөлүминиң чиқарғанлиқини илгири сүрүп, бу һәқтики ениқ җавабни шу бөлүмдикиләрниң берәләйдиғанлиқини тилға алди.

Үрүмчи шәһәрлик оттура соттики алақидар бир бөлүмниң хадими өзиниң бу бөлүмгә йеңидин кәлгәнлики, шуңа рәшидә давут һәққидики сот һөкүминиң техи қолиға тәгмигәнликини баян қилди. У пәқәт хизмәтдашлиридин «рәшидә давутни 15 йиллиқ кесилди» дәп аңлиғанлиқини ашкарилиди.

Рәшидә давут һәққидә игиләнгән юқириқи учурлар һәққидә пикир баян қилған америкадики доктор қаһар барат әпәнди хитай даирилири мәхсус органлар арқилиқ бу һәқтә җаваб бериш мәсулийитини ада қилмиғанлиқи үчүн юқириқи учурларниң йүксәк қиммәткә игә икәнликини оттуриға қойди. У уйғур яки хитай вәзийити һәққидә тарқалған һәрқандақ бир хәвәрдә кәмтүклүк яки башқа мәсилә көрүлсә, буниңға җавабкар тәрәпниң чоқум хитай даирилири болидиғанлиқини әскәртти.

Пикирләр (0)
Share
Толуқ бәт