Nurnisa qurban: “Uyghurlar duch kéliwatqan irqiy qirghinchiliqni xilmu xil shekilde anglitishning ünümi yuqiri bolidiken”

Muxbirimiz jewlan
2022-04-28
Share
Nurnisa qurban: “Uyghurlar duch kéliwatqan irqiy qirghinchiliqni xilmu xil shekilde anglitishning ünümi yuqiri bolidiken” Jenubi kaliforniye uniwérsitétida ötküzülgen 2022-yilliq los-anzhélis kitab körgezmisige los-anzhélis Uyghur jem'iyiti “Uyghur irqiy qirghinchiliqini toxtitayli” témisida qoyghan kitablar. 2022-Yili aprél.
Nurnisa Kurban teminligen

Amérikadiki eng chong kitab körgezmiliridin biri bolghan los-anzhélis kitab körgezmisining 2022-yilliq pa'aliyiti yéqinda jenubi kaliforniye uniwérsitétida ötküzülgen. Los-anzhélis Uyghur jem'iyiti bu körgezmige qatniship, “Uyghur irqiy qirghinchiliqini toxtitayli” dégen témida kitab we resim körgezmisi ötküzgen؛ bu körgezmide ular xitayning irqiy qirghinchiliq jinayitige qarshi küresh qiliwatqan Uyghurlarning hékayisini anglatqan, shundaqla Uyghurlarning yéqin tarixtiki paji'elik qismetlirige béghishlan'ghan qimmetlik eserlerni tonushturup, amérika jem'iyitini Uyghurlar heqqide téximu köp melumat élishqa we Uyghurlar mesilisige köngül bölüshke chaqirghan.

Jenubi kaliforniye uniwérsitétida ötküzülgen 2022-yilliq los-anzhélis kitab körgezmisige los-anzhélis Uyghur jem'iyiti “Uyghur irqiy qirghinchiliqini toxtitayli” témisida qoyghan kitablar. 2022-Yili aprél.

Igilishimizche, los anzhélis kitab körgezmisi 1996-yildin bashlap her yili 4-ayning axirqi heptiside ötküzülüp kéliwatqan bolup, kaliforniye we amérikaning bashqa shitatliridin bolup, texminen 150 ming kishi bu körgezmige kélidiken. Körgezmide kitablarni körgezme qilish we tonushturush, kitab aptorliri yaki neshriyat mes'ulliri bilen körüshüp paranglishish, guruppilar boyiche muhakime söhbetliri ötküzüsh, dangliq eserlerni yazghuchilarning özining awazidin anglash, muzika orundash we bashqa sen'et pa'aliyetlirini körsitish asas qilinidiken.

Biz bu qétimliq los-anzhélis kitab körgezmisige qatnashqan los anzhélis Uyghur jem'iyitining pa'aliyetliri heqqide uchur igilesh üchün, mezkur jem'iyetning qurghuchiliridin biri bolghan ma'aripchi we pa'aliyetchi nurnisa qurban xanimni we sé'atéldin bu körgezmige kélip ulargha medet bergen Uyghurshunas bél klark ependini ziyaret qilduq. Töwenki söhbet ulinishidin tepsilatini anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet