Uyghur adowkat reyhan eset: “Mukemmel kélechekni yaratquchilar-50” tizimlikidin orun aldi

Muxbirimiz irade
2022.11.01
Share on WhatsApp
Share on WhatsApp
Uyghur adowkat reyhan eset: “Mukemmel kélechekni yaratquchilar-50” tizimlikidin orun aldi Adowkat reyhan eset dunyaning herqaysi jayliridin tallan'ghan 50 neper “Mukemmel kelgüsini yaratquchilar” ning biri bolghan. 2022-Yili öktebir.
Adowkat reyhan eset dunyaning herqaysi jayliridin tallan'ghan 50 neper “Mukemmel kelgüsini yaratquchilar” ning biri bolghan. 2022-Yili öktebir.

Amérikadiki nopuzluq axbarat organliridin biri bolghan “Woks” (Vox) mukemmel kelgüsi yaritish üchün kéreklik bolghan idiye, siyaset we pilanlarni algha sürüsh, ularning ehmiyitini tekitlesh meqsiti bilen “Mukemmel kelgüsini yaratquchilar” tizimlikini élan qilghan bolup, mezkur tizimlikke dunyaning herqaysi jayliridin, her sahedin közge körün'gen kishiler, jümlidin özining xizmiti, pikri, idiyesi we pa'aliyetliri bilen bu dunyaning kelgüsining parlaq we mukemmel bolushi üchün hesse qoshuwatqan shexsler bahalinip kirgüzülgen. Bu yil mana bu tizimliktin amérikadiki Uyghur adowkat reyhan eset orun alghan.

Adowkat reyhan eset, dunyaning herqaysi jayliridin tallan'ghan 50 neper “Mukemmel kelgüsini yaratquchilar” ning biri bolghan. Biz bu munasiwet bilen reyhan esetni ziyaret qilduq we uni tebrikliduq.

U ziyaritimizde özining bu tizimlikke kirishidiki sewebni yalghuz özining xizmetlirige bolghan tonush emes, belki Uyghurlar tartiwatqan zulumgha bolghan tonush, shundaqla Uyghurlarning xitay hökümtining shunche éghir zulumigha uchrap turupmu özining ténchliqperwer we aqköngöllikidek rohini saqlap qélishidek ésil pezilitige bolghan tonush, dep bahalidi.

Adowkat reyhan eset dunyaning herqaysi jayliridin tallan'ghan 50 neper “Mukemmel kelgüsini yaratquchilar” ning biri bolghan. 2022-Yili öktebir.
Adowkat reyhan eset dunyaning herqaysi jayliridin tallan'ghan 50 neper “Mukemmel kelgüsini yaratquchilar” ning biri bolghan. 2022-Yili öktebir.
vox.com

Melum bolushiche, dunyada özgirish peyda qilish üchün tirishiwatqan kishiler tallan'ghan bu tizimlikte CRISPR gén tehrirlesh sistémisini tereqqiy qildurushqa yardem bergen nobél mukapatigha érishken alim jénnifér dodna (Jennifer Doudna) we shundaqla yene hazirqi téxnikilar arqiliq insanlarning öz-özini nabut qilishining aldini élishqa tirishiwatqan bi'ologiye mutexessisi kéwin éswélt (Kevin Esvelt), sün'iy eqil sistémisining insanlar topidin éship kétish mumkinchilikini yéqindin közitiwatqan tetqiqatchi ajiya kotra (Ajeya Cotra), béliqlarningmu aghriqni hés qilidighanliqini, shunga ularni qoghdashningmu muhimliqini tekitligen haywanatshunas linné snéddon we shuningdek muhit bulghinishi, namratliq, acharchiliqqa qarshi küresh qiliwatqan we tedbir yaritiwatqan onlighan kishiler yer alghan.

Adowkat reyhan eset bolsa inisi ekber esetning xitay hökümiti teripidin bashqa milyonlighan Uyghurlargha oxshash lagérgha qamilishi bilen bashlighan pa'aliyetchilik hayati, yeni uning dunyada öchmenlikni yoqitish yolida körsitiwatqan xizmetliri üchün layiq körülgen.

Reyhan eset radiyomizgha qilghan sözide, Uyghurlar bügün duchar boluwatqan zulum, yalghuz Uyghurlarningla mesilisi bolmastin, belki dunyaning mesilisidur؛ Uyghurlarning öz milliy ghorori bilen yashishigha kapaletlik qilghanliq, dunyadiki pütün xelqlerning ghorurigha kapaletlik qilghanliqtur, deydu.

“Woks” xewerliri reyhan eset heqqide yazghan tonushturushida, reyhan esetning inisi ekber eset hemde pütün Uyghurlarning dawasini qilish, bolupmu süküt qilish yaki a'ilisini xewpke itirish bedilige Uyghur xelqining awazini anglitish yolidan heriket qilishtin ibaret qiyin tallashqa duch kelgenlikini, emma “Reyhan esetning aqiwette özi söygen inisi we xelqini tallighanliqini” bayan qilghan.

“Woks” xewerler tori yuqiriqi “Mukemmel kelgüsini yaratquchilar” tizimlidikige kirgen kishilerning ortaq alahidilikini töwendikidek sherhiligen: “Tizimlikte orun alghan isimlarning ortaqliqi néme? u bolsimu ularning bizge bérilgen dunyadinmu erkin, téximu adil we bixeter dunyani tesewwur qilish we bu özgirishning bir qismi bolushtek iradisidur. . . . Ular chongqur ümidsizlik we axiretning qorqunchi ichidimu, réyalliqni yaxshiliqqa burashning mumkinchiliki barliqigha ishinidu. Bu özgirishni ré'alliqqa aylandurush bizning nöwettiki we kelgüsidiki mejburiyitimizdur.”

Adowkat reyhan eset radiyomizgha qilghan sözide, eger Uyghurlar lagérdin chiqmisa, ular uchrawatqan bu zulum ayaqlashmisa, güzel we mukemmel kélechektin söz échishning mumkin bolmaydighanliqini tekitlidi.

U sözining axirida dunyani wediside turushqa, yenimu köp döletlerning xitay hökümitining Uyghurlargha yürgüzüwatqan irqiy qirghinchiliqni tonushqa, shundaqla buninggha qarita tedbir qollinishqa chaqirdi. Adowkat reyhan yene herqaysi hökümetlerdin we xelq'araliq shirketlerdin Uyghur mejburiy emgikini chekleshni telep qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.