Муһаҗир санийә ханим: достумниң оғлини өйләш пиланини хитайниң 100 күнлүк зәрбә долқуни бәрбат қилди

Мухбиримиз шөһрәт һошур
2022.08.15
Share on WhatsApp
Share on WhatsApp
Rifat-Enwer Рифат әнвәр, рәсимни түркийәдики санийә ханим тәминлигән. Рәсим тартилған орун вә вақит ениқ әмәс.
Photo: RFA

Муһаҗирәттики гуваһчиларниң инкас қилишичә, үрүмчидики шинхуа китабханисиниң хизмәтчиси, 29 яшлиқ рифат әнвәр, өткән айниң оттурилири, той тәйярлиқи билән мәшғул болуватқан күнлиридә тутқун қилинған; дейилишичә, униң тутулушиға-илгири түркийәдә оқуған болуши вә алдинқи айларда уйғур елида давам қилған 100 күнлүк зәрбә долқуни сәвәб болған. Төвәндә мухбиримиз шөһрәт һошурниң бу һәқтә тәйярлиған программиси диққитиңларда болиду.

Уйғур елида 2017 ‏-йили башланған чоң тутқун 6 ‏-йилиға өткән бүгүнки күндиму, илгири тутулғанлар қоюп берилиштә йоқ, йеңидин тутулушлар йәнә давам қилмақта. Норвегийәдики уйғуряр фондиниң йеқинда үрүмчидин игилишичә, шинхуа китабханисиниң хизмәтчиси, 29 яшлиқ рифат әнвәр, өткән айниң 22 ‏-күни тутқун қилинған.  Дейилишичә, рифат әнвәр өзи олтурушлуқ болған  үрүмчидики җиңнән аһалиләр райони тәвә сақчихана тәрипидин тутқун қилинған.  Телефонимизни қобул қилған, үрүмчидики қалиғач сақчихана хадими, йәнән йолидики шинхуа китабханисиниң бахуляң сақчиханисиға қарайдиғанлиқини билдүрүп, рифат әнвәр һәққидә мәлумат беришни рәт қилди.

Биз рифат әнвәрниң түркийәдики савақдашлири арқилиқ, униң аписиниң дости болған санийә ханим билән алақиләштуқ. Санийә ханим, рифатниң аниси билән йеқинғичә, үндидарда саламлишип кәлгән болуп,  бу саламлишишлар җәрянида, мәзкур аилиниң рифатниң тойиға тәйярлиқ қиливатқанлиқидин хәвәр тапқан. Әмма у өткән айниң оттурилиридин рифатниң аписиниң үндидарға чиқмас болуп қалғанлиқини  байқиған, у буниңдин  асасән мәзкур аилигә кәлгән  бир көңөлсизликни пәрәз қилған вә башқа мунасивәтлик қаналлири  арқилиқ, рифат әнвәрниң тутқун қилинғанлиқидин хәвәр тапқан.

Уйғуряр фодиниң йетәкчиси абдувәли аюпниң дейишчә, рифатниң тутулушиға  униң түркийәдә оқуған болушидин сирт, униң 29 болуши, йәнә хәтәрлик әвлад категорийәсигә кириши сәвәб болған.

Санийә ханимниң игилишичә, рифат әнвәр, өткән айларда, хитайда мәмликәт бойичә давам қилған  “100 күнлүк қара күчләргә зәрбә бериш долқуни”да  тутқун қилинған.  Өткән айдики ениқлашлиримиз давамида хотәндики бир сақчи хадими, хитайда давам қилған қара күчләргә зәрбә бериш долқуниниң уйғур райониға кәлгәндә, сиясий зәрбигә айлинип тордин чүшүп қалған аталмиш террорчи вә икки йүзлимичиләргә зәрбә берилгәнликини паш қилғаниди.

Санийә ханим, мәзкур долқунниң үрүмчидики иҗраати давамида, илгири җазаланмай қалған гумандарларниң нуқтилиқ нишан болғанлиқи вә рифат әнвәрниңму мана мушу долқунниң қурбани болғанлиқини илгири сүрди.  У дости рошәнгүл ханимниң оғлини өйлүк -очақлиқ арзусниң, сиясий бир қуюнниң бузғунчилиқиға учриғанлиқини әскәртиду.

Юқириқи учурлар, худди муһаҗирәттики уйғур көзәткүчиләр пәрәз қилғинидәк, гәрчә  сабиқ әмәлдар чен чүәнго, уйғур районидин йөткәлгән болсиму, униң “ тутушқа тегишликләрниң һәммисини тутуш” буйруқиниң йеңи әмәлдар  дәвридиму изчил иҗра қилиниватқанлиқи вә бу иҗраатниң йеқин арида тохтимайдиғанлиқидин бишарәт бәрмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.