Korla 6‏-ottura mektepning mudiri, iqtidarliq ma'aripchi sherep héytning 18 yilliq késiwétilgenliki delillendi

Bulturqi éniqlashlirimizda korla 6-ottura mektepning mudiri, iqtidarliq ma'aripchi sherep héytning tutqunda ikenliki delillen'gen idi. Sherep héytning chet elge chiqip ketken oqughuchiliridin birining radiyomizgha inkas qilishiche, alaqidar qanalliri arqiliq uzun mezgil sürüshte qilish netiji'iside ustazi sherep héytning 18 yilliq késilip ketkenlkidin xewer tapqan. Muxbirimizning téléfon ziyaretliri dawamida, bu uchurning toghriliqi delillendi.

Bu yil 50 yashlar chamisida bolghan korla 6‏-ottura mektepning mudiri sherep héyning chet elge chiqip ketken oqughuchirliridin hüsenjan ependining inkas qilishiche, u tutqundiki ustazi sherep héyt heqqide uzun mezgil sürüshte qilish arqiliq, uning 18 yilliq késiwétilgenlikidin yéqinda xewer tapqan. Uning déyishiche, xitay ölkiliridiki bir aliy mektepni ela netije bilen püttürgen, xitaychidin bashqa in'gilizchinimu bilidighan sherep héyt etrapliq bilim qurulmisi, durus exlaqi, mes'uliyetchan xizmet pozitisyesi bilen korlada tézla közge körün'gen. Hüsenjanning déyishiche, uning bu alahidilikliri nurghunlighan Uyghur serkilirige oxshashla xitayning közige patqan we 2017-yili bashlan'ghan chong tutqunda eng deslepte béshigha qara xalat kiydürülgen. Hüsenjan uning 18 yil késiwétilgenlik xewirini ilgiri korlada xizmet qilghan we kéyin xitay ölkilirige xizmet munasiwiti bilen kelgen bir xitaydin tonushidin uqqan. Biz bu uchurning toghra-xataliqini aydinglashturush üchün, korladiki alaqidar idare jem'iyetlerge téléfon qilduq. Xadimlardin beziliri sherep héytni tonumaydighanliqini bildürse, beziliri uning teqdirdin xewersizlikini éytti.

Melum bolushiche, sherep héyning oqughuchiliridin biri nöwette yaponiyede yashawatqan bolup, umu sherep héytning iqtidarliq bir oqutquchi ikenlikini, uning tesiri mektep da'irisi bilenla cheklinip qalmay, belki pütkül karlagha we Uyghur rayonning köp qisim jaylirigha tarqalghanliqini tilghan aldi. Sherep héytning hüsenjan isimilik oqughuchisining bayan qilishiche, sherep héyt xizmetke chiqip uzun ötmeyla, korla 6-ottura mektepke mudir bolghan, yene bir mezgil korla sheherlik ma'arip idarisidimu bashliq bolup xizmet qilghan. Emma mijezidiki durustluq sewebidin xitayning ma'arip idarisida uzun mezgil ishliyelmigen.

Ötken yilidiki éniqlashlirimiz dawamida, sherep héytning kimlikige a'it uchurlarning toghriliqi aydinglashqan idi. Hüsenjanning déyishiche, sherep héyt mudir mezgilliride qolidiki imkaniyiti'idin paydilinip, bir qatar medeniyet-sen'et pa'aliyetlirini élip barghan. Bu pa'aliyetler dawamida Uyghur tarixiy we Uyghur jem'iyitining muhim mesililiri heqqide muhakime we munaziriler uyushturghan. Korlada échilghan bir nechche qétimliq muhakime yighinigha nöwette tutqundiki meshhur obzorchi yalqun rozi bilen sha'ir abduqadir jalalidinni teklip qilghan. Hüsenjanning ichkiridiki xiytay xizmetdishidin igilishiche, sherep héytning yalqun rozi, abduqadir jalalidin bilen bolghan dostluqi, bolupmu ularni bir nechche qétimliq léksiyege teklip qéilishi, uning 18 yilliq késilisshidiki muhim seweblerdin biri bolghan iken.

Axirida téléfonimizni qobul qilghan korla sheher bazarliq saqchi idarisining bir xadimi sherep héytning tutulush we késilishi jeryanidin we déloni kimlerning ishligenlikidin xewiri barliqini éytti. U arqi'idin sherep héytning 18 yilliq késiwétilgenliki we nöwette jaza mudditini ötewatqanliqini delillidi. Emma uning qaysiy türmide jaza mudditini ötewatqanliqi we ayal-balilirining ehwali heqqide melumat bérelmidi.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar