Шиветсарийә уйғур фолклори мәдәнийәт сәнәт кечилики өткүзүлди

Берндин ихтиярий мухбиримиз һәбибулла изчи тәйярлиди
2024.06.22
shiwitsariye-medeniyet-korgezmisi-05

Аминә ханим хотән керийәниң әнәниви кийими билән меһманларға уйғур усули тәқдим қилмақта. 2024-Йили 14-июн, бүлах RFA/Hebibulla izchi

shiwitsariye-medeniyet-korgezmisi-09

Сәһнидә мөминҗан әҗәм вә аминәниң шиветсийә, шиветсарийәлик икки оқуғучиси. 2024-Йили 14-июн, бүлах RFA/Hebibulla izchi

shiwitsariye-medeniyet-korgezmisi-08

Шиветсарийәдики бир қисим уйғурлар паалийәт ахирида аминә билән хатирә сүрәткә чүшти. 2024-Йили 14-июн, бүлах RFA/Hebibulla Izchi

shiwitsariye-medeniyet-korgezmisi-11

Шивитсарийәдә чоң болған уйғур пәрзәнтлири уйғур доппилирини көрмәктә. 2024-Йили 14-июн, бүлах RFA/Hebibulla Izchi

shiwitsariye-medeniyet-korgezmisi-07

Шивейтсарийәлик тәтқиқатчи, хитай қара ташлиқ китабиниң аптори чарлес сарасен билән аминә ханим хатирә сүрәткә чүшкән көрүнүш. 2024-Йили 14-июн, бүлах RFA/Hebibulla izchi

shiwitsariye-medeniyet-korgezmisi-06

Аминә ханим паалийәт уйғурларниң кийим-кечәк мәдәнийити вә һәр қайси юртларниң кийим кечәклирини тонуштурмақта. 2024-Йили 14-июн, бүлах RFA/Hebibulla izchi

shiwitsariye-medeniyet-korgezmisi-03

Аминә ханим уйғур кийим-кечәк мәдәнийитини тонуштурмақта. 2024-Йили 14-июн, бүлах RFA/Hebibulla izchi

shiwitsariye-medeniyet-korgezmisi-02

Аминәниң шивейтсарийәлик вә шиветсийәлик икки оқуғучиси. 2024-Йили 14-июн, бүлах RFA/Hebibulla izchi

shiwitsariye-medeniyet-korgezmisi-01

Оңдин шиветсарийә уйғур җәмийити рәиси ризванай, аминәниң икки оқуғучиси вә аминә карванә, мөминҗан әҗәм. 2024-Йили 14-июн, бүлах RFA/Hebibulla izchi

shiwitsariye-medeniyet-korgezmisi-10

Аминә ханим шиветсийә вә шиветсарийәлик икки оқуғучи билән хатирә сүрәткә чүшкән көрүнүш. 2024-Йили 14-июн, бүлах RFA/Hebibulla izchi

shiwitsariye-medeniyet-korgezmisi-12

Шиветсарийә уйғур фолклори мәдәнийәт сәнәт кечилики көрүнүши. 2024-Йили 14-июн, бүлах RFA/Hebibulla izchi

shiwitsariye-medeniyet-korgezmisi-04

Шиветсарийә уйғур фолклори мәдәнийәт сәнәт кечилики көрүнүши. 2024-Йили 14-июн, бүлах RFA/Hebibulla izchi

Шиветсарийәниң зурих иштатиниң бүлах шәһиридә 14-июн күнидин 15-июнғичә уйғур кийим-кечәк мәдәнийитиниң 100 йиллиқ өрнәклирини көргәзмә қилиш билән биргә, уйғурларниң һәр қайси юртлириниң кийим-кечәклири, нахша-уссул, музикилирини асас қилған уйғур фолклор мәдәнийити кечилики өткүзүлди.

Бу паалийәтни тәшкиллигүчи аминә ханим, бир уссулчи сәнәткар болуш сүпити билән, пәқәт сәнәткә әһмийәт бериш биләнла қалмай, йәнә уйғур хәлқиниң фолклориға алаһидә әһмийәт бәргән. У, кечиликтә уйғурларниң чалғулири, әнәниви кийим-кечәклири, бәзи қолда тикилгән тарихий әнәниви кийим-кечәкләр, шундақла йүз хилға йеқин доппа қатарлиқларни көргәзмә қилған.

Биз бу мунасивәт билән аминә ханимни зиярәт қилдуқ, у өзини тонуштуруп, өзиниң шиветсарийәгә той қилип келип, бу йәрдә юртини сеғинишниң һиҗранлиқ күнлирини өзиниң миллий кимлики вә гүзәл уйғур мәдәнийитини шиветсарийәликләргә тонуштуруш арқилиқ өткүзүп кәлгәнликини вә һазирғичә елип барған бәзи паалийәтлири һәққидә көз қарашлирини сөзләп өтти.

Бу кечиликкә шиветсарийәдики уйғурлардин башқа йәнә, шиветсарийәлик тәтқиқатчилар вә башқа уйғур мәдәнийитигә қизиққучиларму қатнашқан болуп, тәтқиқатчи чарлес сарасен әпәнди өзиниң бу кечиликтә һес қилғанлирини баян қилди.

У, бу кечиликтә көргәнлиридин, уйғурларниң нә қәдәр парлақ бир мәдәнийәткә игә хәлқ икәнликини тонуп йәткәнликини, өзиниң бундақ чоң типтики уйғур мәдәнийәт-сәнәт кечиликигә тунҗи қетим қатнишиши икәнликини, муһаҗирәттики уйғурларниң өзиниң миллий кимлики, өрп-адити, мәдәнийитини сақлап қелишни зөрүр икәнликини билдүрди.

Аминә ханимму бу һәқтә, уйғурларниң қәдимдин парлақ мәдәнийәткә игә бир хәлқ икәнликини вә буни чәт әлликләргә тонуштуруш биләнла қалмай, чәт әлләрдә чоң болуватқан иккинчи әвлад пәрзәнтләрниңму өзиниң миллий кимлики вә мәдәнийитини өгинишниң әһмийитиниң зор икәнликини билдүрди.

 Бу кечиликкә кәлгән шиветсарийә уйғур җәмийитиниң сабиқ рәиси әндили қараханли әпәндиму, бу паалийәтниң һәқиқәтән мол мәзмунлуқ бир паалийәт болғанлиқини, болупму көргәзмигә қоюлған доппиларниң түриниң җиқлиқидин өзиниң һәйран қалғанлиқини ипадиләп, өзиниң көз қарашлирини радийо аңлиғучилар билән ортақлашти.

 Паалийәттә явропа уйғур ансамбили, норвегийә уйғур комитетиниң әзаси мөминҗан әҗәм, һәр бир юртниң хәлқ аһаңлирини орундиғанда аминә вә униң оқуғучилириниң шу юртларниң өзигә хас кийимлирини кийип чиқип, уйғур усулини вайиға йәткүзүп ойниши қатнашқучиларниң қизғин алқишиға еришти. Мөминҗан әҗәм әпәнди зияритимизни қобул қилип, “муһаҗирәттики уйғурларниң өзиниң миллий өрп-адити, мәдәнийитигә игә чиқиши керәк” деди.

 Шиветсарийә өткүзүлгән бу паалийәтни тәшкиллигүчи аминә ханим болса, өзи қәшқәрдин чиққан уссули оқутқучиси, б д т пән-маарип вә мәдәнийәт комитети қармиқидики хәлқара уссул кеңишиниң әзаси болуп, у һазирғичә йилда бир қетим мушу хил чоң типтики паалийәтни тәшкилләп, шиветсарийәликләргә уйғур мәдәнийити, сәнити, өрп-адәтлирини тонуштуруп, шиветсарийә вә дуняниң һәр қайси җайлиридин кәлгән уйғур сәнити һәвәскарлирини тәрбийәләп кәлмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.