Arxip
2008-12-22
Yéqinda égiligen uchurlargha qarighanda, xitay hökümiti Uyghur élide élip bériwatqan " üch xil küchlerge zerbe bérish herikiti" jeryanida nurghunlighan bigunah Uyghur yashlirini tutqun qilghan.
2008-12-22
D u q ning yolyoruqi buyiche 2008 - yili axirliship 2009 - yili kirey dep qalghan bügünki künde yeni 22 - dékabirda türkiyining gherbiy shimaligha jaylashqan yawrupa bilen asiya qit'esini bir - biridin ayrip turidighan chanaqqel'e wilayitide etigendin axshamghiche `sherqiy türkistanning ötmüshi we bügüni` témisida doklat bérish pa'aliyiti ötküzülgendin bashqa, muhim uchrishishlar élip bérilghan.
2008-12-22
2008 - Yili 20 - dékabir küni, yawropa - asiya türk jem'iyetliri birleshmisi teripidin "türk dunyasida insan heqliri depsendichiliki" dégen témida yighin ötküzüldi.
2008-12-22
Xitay hökümiti yéqinda, ilgiri hökümetsiz teshkilatlar üchün xizmet qilghan ikki neper tibetke muddetsiz qamaq jazasi bergen bolup, roytérsta körsitilishiche, mezkur tibetlerge tibetning nöwettiki ehwalini sirtqi dunyagha ashkarilighan dégen jinayet artilghan.
2008-12-22
Gérmaniye hökümitining kishilik hoquq wekili yéngi saylan'ghan amérika prézidénti barak obamaning gu'antanamo herbiy türmisini taqash pilani heqqide toxtilip gérmaniye hökümitini mezkur herbiy türmide yétiwatqan 17 neper Uyghurni qobul qilishqa chaqirdi.
2008-12-22
Xébéy ölkisi bawdingnen sheherlik hökümiti adem chiqirip öz tewelikidiki nendayüen yézisigha basturup kirip déhqanlarning térilghu yerlirini mejburiy igiligen bolup, netijide déhqanlar bilen basturup kirgüchiler arisida toqunush yüz bergen.
2008-12-22
Uyghur élide yerlik xitay hökümiti héyt - bayram we yéngi yil mezgilidiki jem'iyet muqimliqini qoghdashni bahane qilip Uyghur élining her qaysi jaylirida "aqma nopusni bashqurushni kücheytish" qatarliq cheklesh tedbirlirini alghan.
2008-12-22
Xitay axbaratliri we biz igiligen melumatlargha qarighanda, qurban héyt we yéngi yilining aldi - keynide yerlik xitay hökümiti Uyghur élining her qaysi jaylirida "üch xil küchlerning jinayi qilmishlirini pash qilish" qatarliq teshwiq pa'aliyetlirini kücheytishke hemde adem tutushqa bashlighan.
2008-12-21
Yaponiye tashqi ishlar wezirlikining mexpiy arxiplarni ashkarilishiche, 1965 - yili,1 - ayda yaponiye bash weziri éysaku sato amérikani ziyaret qilghanda, eyni waqittiki amérika dölet mudapi'e ministiri robért maknamara bilen uchriship, ötküzgen söhbitide amérikani xitaygha qarshi yadro hujumi qilishqa dewet qilghan bolup, birleshme agéntliqining yaponiye metbu'atliridin neqil keltürüp xewer bérishiche, sabiq yaponiye bash ministiri eger xitay bilen urush partlap qalsa, amérikining yadro qorali bilen jawab qayturushini ümid qilidighanliqini bildürgen .
2008-12-21
Xitay hökümiti 2009 - yili pütün memliket boyiche 12 ölke we aptonom rayonidin 4700 neper yuqiri derijilik ixtisas igisi terbiyilesh pilani tüzgen bolup, bu sanning ichide magistirlar 3700 neper, doktorlar 1000 neper bolidiken.
2008-12-21
Xitayning qazaqistan bilen bolghan énérgiye hemkarliqliri üzlüksiz türde kücheytilmekte. Ilgiridin tartip hazirghiche qazaqistan bilen xitay arisidiki néfit we tebi'iy gaz sodisi we hemkarliqigha xitay döletlik bash néfit we tebi'iy gaz shirkiti ige bolup kelgen bolsa, ötken jüme ürümchi shehiride xususiylar igidarchiliqidiki gu'angxuy shirkiti qazaqistanning TBM énérgiye shirkiti bilen hemkarliq kélishimi tüzgen.
2008-12-21
Rusiye bash ministiri wladimir putin jüme küni buningdin kéyin chet'elerdin import qilidighan aptomobillarni azaytish we chégra béjini ashurush arqiliq rusiyining özining aptomobil sana'itini rawajlandurush hem bu usul bilen rusiyining eslidiki sabiq sowét ittipaqi dewridin tartip dawamliship kéliwatqan aptomobil sana'itini weyran bolush xewpidin qutuldurush lazimliqini tekitligendin kéyin rusiyining bir qisim aptomobil sodisi bilen shughullinidighan port sheherliridiki puqralar we tijaretchiler naraziliq heriketliri élip barghan.
2008-12-20
Amérika qoralliq qisimliri bash shtabining re'isi général mayk mulen shenbe küni bergen bayanatida kéler yaz aylirighiche, afghanistandiki amérika herbiy qisimlirining sani 60 ming kishige yétishi mumkin, dédi.
2008-12-20
Xitay dölet kabinéti shenbe küni bir uqturush chüshürüp yerlik hökümetlerni, dunya pul mu'amile krizisi netijiside ishsiz qilip, öz sheherlirige qaytqan aqqun ishchilargha ish imkaniyiti yaritishqa chaqirdi.
2008-12-20
Teywende ma yingju prézidént wezipisige bashlighandin béri, teywen bilen xitay otturisidiki munasiwetler künséri yéqinlishiwatqan bolup, xitay terep shenbe küni, eger teywen telep qilsa, xitay hökümitining teywen'ge iqtsadiy yardem bérishke teyyar ikenlikini bildürdi.
