Архип
2008-11-24
Америка федерал әрзийәт соти дүшәнбә күни сот ечип, гүәнтанамодики уйғурларни америкиға қоюп бериш - бәрмәслик мәсилисини көрүп чиқти.
2008-11-24
Йеңи ира гезитиниң 22 - ноябир хәвәр қилишичә, уйғур аптоном районлуқ җ х назаритиниң муавин назири хитай компартийисидин чекингән вә вәзиписидин истипа бәргән. Хәвәрдә муавин назирниң исми тилға елинмиған.
2008-11-24
Муһаҗирәттики тибәтләр һиндистанниң шималидики тағ шәһири - дарамсалада ачқан дуня тебәт қурултейи 11 - айниң 22 - күни ахирлашти. Бу 6 күнлүк қурултай икки күн сртқа очуқ йиғин ачти, қалған 4 күндә йепиқ йиғин ачти.
2008-11-24
Хитайдики ишсизлиқ мәсилисиниң күндин - күнгә күчийип кетиши түпәйли келип чиқидиған наразилиқларниң алдини елиш үчүн, хитай мәркизи һөкүмити, һәр қайси йәрлик һөкүмәтләрниң җәмийәт муқимлиқиға капаләтлик қилишини алаһидә агаһландурди.
2008-11-24
Бирләшкән дөләтләр тәшкилати 2008 - йилини мәһмут қәшқири йили дәп елан қилғандин кейин, дуняниң һәр қайси җайлирида мәхмут қәшқири туғулғанлиқиниң 1000 йиллиқи һәр хил паалийәтләр билән хатириләнмәктә.
2008-11-24
Хитай даирилири уйғур дияри миқясида үч хил күчләргә қарши елип бериватқан бастуруш һәмдә сиясий тәлим - тәрбийә һәрикитини йәниму күчәйтиватқан болуп, или тәвәсидә һәтта өйму - өй кирип бу һәқтә тәрбийә елип берилмақта икән.
2008-11-24
Хотән наһийисидә пенсийигә чиққан кадирларни башқуруш күчәйтилгән болуп, "шинҗаң аманлиқ тори" да көрситилишичә, хотән наһийиси мунасивәтлик тамақлири пенсийигә чиқидиған кадирлар чоқум "пенсийигә чиқиш әһдинамиси " гә имза қоюш бәлгилимисини йолға қойған.
2008-11-24
Америкиға җайлашқан "қорал вә қизилгүл" музика әтрити йеқинда базарға салған " хитай демократийиси" намлиқ нахша пластинкисиға аит тор бәтлириниң хитайда чәкләнгәнлики ашкариланған болуп, франсийә агентлиқиниң көрситишичә, мәзкур нахша лентисиниң тор бети хитайда ечилмайдикән.
2008-11-24
Хитай йәрлик даирилири ақчи наһийисидә техиму қелиплаштуруватқан болуп, "шинҗаң аманлиқ тори "да хәвәр қилинишичә, бу наһийидә җәмийәт аманлиқини омумлаштуруп түзәшни техиму күчәйтиш намида йәнә мәһәллә бөләклиригиму башқурғучи бекиткән.
2008-11-24
Нөвәттә шаяр наһйисидә һөкүмәт даирилири җамаәтниң топлишип әрз қилиш ишлири вә сияси вәқәләрниң алдини елиш үчүн хәлқ арисидики әрзийәт ишлирини контирол қилишниң 4 түрлүк чарисини йолға қойған.
2008-11-24
Бүгүн вашингтонда гуантанамода қамалған уйғур тутқунларни америкиға қоюп бериш һөкүмини күчкә игә қилиш яки ағдуруп ташлаш үстидә елип берилған сотта, америка һөкүмәт вакаләтчилири билән уйғур тутқунларниң адвокатлири арисида муназириләр елип берилған болсиму, лекин уйғур тутқунлар мәсилиси үстидин ениқ қарар елинмиди.
2008-11-23
Игилишимизчә,24 ноябирдин 26 - ноябирғичә хитай пайтәхти бейҗиңдики мәркизий милләтләр университетиниң уйғур тил - әдәбият факултети билән түркийә дөләтлик түрк тили комитети бирликтә мәһмут қәшқириниң туғулғанлиқиниң 1000 йиллиқиға беғишлиған илмий муһакимә йиғини чақиришни пиланлиған.
2008-11-23
Йеқинда бай наһийилик һөкүмәт молла муса сайраминиң" тарихй һәмиди " вә "тарихий әминийә" намлиқ икки әсирини хитай дөләтлик чиң сулалиси тарихи әсәрлирини нәшир қилиш комитетиға йоллап, уни чиң сулалиси тарихий тәзкирилири қатариға киргүзүп, хитай тилиға тәрҗимә қилип нәшир қилишни тәләп қилған һәм буниң үчүн коп һәрикәт қилғандин кейин, шинхуаниң бу һәқтики хәвиридә билдүрүлүшичә, мәзкур орган шинҗаң иҗтимаий пәнләр академийисигә әсәрни хитай тилиға тәрҗимә қилишқа һава қилған. Һазир тәрҗимиси ишлиниватқан болуп, келәр йили әсәрниң хитайчә нусхиси нәшир қилинидикән.
2008-11-23
Оттура асия җумһурийәтлиридә яшайдиған русларни өз ичигә алған өзлирини русийилик дәп һесаблиған кишиләр түркүм - түркүмләп русийигә көчүп маканлашмақта.
2008-11-23
22 - Ноябир күни перуниң лима шәһиридә өткүзүлгән асия - тинч окян иқтисадий һәмкарлиқ тәшкилатиға әза дөләтләр башлиқлири йиғини җәрянида дуня иқтисадий кризисини һәл қилиш мәсилилири музакирә қилиниш билән бир вақитта, америка президенти җорҗ буш үч әркинлик пикрини йәни "әркин базар, әркин сода вә әркин хәлқ" пикрини оттуриға қоюп, мәзкур үч нуқтини қоллайдиғанлиқини тәкитлиди.
