Arxip
2008-05-22
Awstraliyige bérip olturaqliship qalghan söyün'gül chanishéf xanim yazghan "köz yéshida nemlen'gen zémin namliq eser türkchige terjime qilinip neshr qilindi. Kitabni sha'ire nur'ela göktürk xanim türkchige terjime qilghan bolup, merkizi istanbulda turushluq türk dunyasi tetqiqat merkizi teripidin neshr qilin'ghan.
2008-05-22
Xitay türmisidiki Uyghur kanada puqrasi hüseyin jélilning yéqinda türmidin anisigha chiqarghan bir parche xéti kanada metbu'atlirida élan qilindi. Bu hüseyin jélilning buningdin 2 yérim yil burun türmige tashlan'ghandin béri a'ilisidikilerge yazghan we tashqi dunya bilen yüz körüshüshke muyesser bolghan tunji parche xétidur.
2008-05-22
Xitay hökümiti peyshenbe küni yuqiri derijilik amérika herbiy emeldarlirining xitayning alem boshluqida peyda qiliwatqan tehditi kücheymekte, dégen agahlandurushigha inkas qayturup, amérika herbiy emeldarlirining xatalashqanliqini ilgiri sürdi.
2008-05-22
Xitay da'iriliri peyshenbe küni tibet rohani dahisi dalay lamaning olimpik yighinigha qatnishishtin memnuniyet hés qilidighanliqi heqqidiki pikrige soghuq inkas qayturup, dalay lamaning wekili bilen ötküzülidighan söhbetning kéchiktürülüsh éhtimali barliqidin bisharet berdi.
2008-05-22
Uyghur ilidiki tor betliride "shinjangda muqimliq hemmidin ela" dégen shu'ar tenqid obyékti bolup qaldi. Ilham blogida élan qilin'ghan bu heqtiki bir maqalide Uyghur iligha nisbeten 2008 - yilning asasliq milodiyisi héchkim éniq chüshendürelmeydighan " muqimliq hemmini bésip chüshidu " dégen shu'ar bolup qalghanliqini ilgiri sürgen.
2008-05-22
Eng yéngi melumatlarda xitayning sichüen ölkisidiki yer tewresh apitide ölgen we iz - déreksiz yoqalghanlarning 80 minggha yétidighanliqi, buning ichide ölgenlerning 50 mingdin ashqanliqi, iz déreksiz yoqalghanlarning bolsa az kem 30 minggha yétidighanliqi élan qilindi.
2008-05-21
Amérika - xitay iqtisadi - bixeterlik közitish komitétining dölet mejlisidiki ispat bérish yighini, xitayning alem boshluqi we tor sistémisida amérika bixeterlikige tehdit sélish küchi, zor kölemlik qirghuchi qorallarning tarqilishidiki roli we bu türdiki qorallarni cheklesh ehdinamisigha ri'aye qilish ehwalini igilesh shundaqla munasiwetlik tereplerning bu mesilidiki pikirini élishqa béghishlan'ghan yighinlarning biridur.
2008-05-21
Munazire yighini, 14 - mart lxasa weqeside qurban bolghanlar bilen sichüendiki yer tewreshte hayatidin ayrilghanlargha matem bildürüsh bilen bashlan'ghan. Bu qétimqi munaziride otturigha chüshken pikirler, dunyada béyjing olimpiki heqqide bolun'ghan pikirlerning yighinchaqlanmisi bolghan.
2008-05-21
Amérika prézidénti jorj bush seyshenbe küni iraq bash ministiri nuri maliki bilen téléfonda sözliship, amérika eskirining qur'ani kerimge oq étip meshiq qilghanliqidek qilmishi üchün epu soridi.
2008-05-21
20 - May küni amérika dölet mejlisi tashqi munasiwetler shöbe komitétida güentanamo türmisidiki musapir mehbuslar heqqide ötküzülgen guwahliqtin ötüsh yighinining Uyghurlar üchün eng muhim ehmiyiti güentanamoda tutup turuluwatqan Uyghurlar mesilisi bilen birlikte, Uyghurlarning nöwettiki ehwali shuningdek xitay hökümitining Uyghurlargha qaratqan bésim siyasiti munazire qilin'ghan.
2008-05-21
Türkiyide tonulghan Uyghur sha'ire nur'ela göktürk xanimning "men türkistan qizimen" namliq shé'irlar toplimi yéqinda türkiyide neshrdin chiqti. 247 Bettin terkip tapqan bu shé'irlar toplimining kök renglik muqawisi ayyultuzluq kök bayraq bilen dilshat xatun we amannisaxanning resimliri bilen bézelgen.
2008-05-21
Dalay lamaning gérmaniye ziyaritining dunya jama'itige bergen tesirining alahide zor bolghanliqi 20 - maydiki xewerlerde keng tilgha élinmaqta. Dalay lamaning bu qétimqi ziyaritide, biri, musteqilliq emes, aliy aptonomiye telipide ikenlikini qayta tekitlep, ikkinchisi, xitaydiki yer tewreshke alahide köngül bölüp, üchinchisi, béyjing olimpik musabiqisini qollaydighanliqini yene bir qétim eskertip, özining dunya tinichliqining simwoli bolushtek obrazini namayen qilghanliqini hemme birdek testiqlashmaqta.
2008-05-21
Exlaq idiye qurulushi insanlarning medeniylik derijisini ölcheydighan ölchem, shexs bilen jem'iyetning mewjud bolup turushi we tereqqi qilishining eng tüp ichki amili, yüksek medeniy jem'iyet tertipi ornitishning tüwrükidur.
2008-05-21
Shinxu'a agéntliqining 5 - ayning 21 - küni ürümchidin xewer qilishiche, kériye nahiyiside 5 - ayning 20 - küni béyjing waqti sa'et 16 din 14 minut ötkende 4.3 Bal yer tewrigen.
2008-05-21
Fransiye agéntliqining bayan qilishiche, sichu'ende yüz bergen yer tewresh apitide ölgen adem sani hazir 41 ming 353 ke yetti. Bu sanni xitay dölet kabinétining bayanatchisi go wéy élan qilghan.
