Архип
2008-06-24
6 - Айниң 19 - күни чақирилған " германийә ташқи сиясәт муһакимә йиғини" тоғрисидики хәвәрләр билән биргә, яврупа парламентиниң иранға қарита техиму еғирлитип җаза йүргүзүш мәсилиси 6 - айниң 23 - күнидики германийә ахбарат вастилиридин кәң йәр алди.
2008-06-24
Уйғур миллий һәрикитиниң рәһбири, рабийә қадир ханим германийидики бир қанчә күнлүк зияритини аяғлаштуруп, сәйшәнбә күни белгийигә йетип барди. Рабийә қадир ханимға һәмраһ болған дуня уйғур қурултийиниң муавин рәис әсқәрҗан әпәнди, рабийә ханимниң германийидә елип барған паалийәтлири шуниңдәк белгийидә елип баридиған хизмәтлири тоғрисида радиомизниң зияритини қобул қилип, бизгә бу һәқтә толуқ мәлуматлар аңлатти.
2008-06-24
Зимбабвида давамлишиватқан президент сайлими, октичи намзат тәрәпдарлириниң қолға елиниши билән кризисқа дуч кәлди. Һакимийәт бешидики президент Robert Muagabe тәрәпдарлири октичи гуруппиниң президент намзати Morgan Tsvangra тәрәпдарлириға қарита зораванлиқ һәрикәтлирини садир қилғандин кейин, октичи гуруппа намзати морган җүмә сайламдин чекингәнликини елан қилған.
2008-06-24
Японийә һәрбий парахоти, бүгүн йәни сәйшәнбә күни хитайниң гуаңдуң өлкисидики җанҗяң портиға қәдәм басти. Парахотта бу қетим елип келингини қорал - ярақ әмәс бәлки ярдәм әслиһәлири. Шундақтиму, бу парахот йәнила бир түркүм хитай пуқралириниң наразилиқиға учрайдиғанлиқи пәрәз қилинмақта.
2008-06-24
Шинҗаң хәвәр ториниң 20 - июн хәвәр қилишичә, уйғур райониниң бу йил алдинқи 5 айлиқ екиспорт - импорт омуми соммиси 696 милйон долларға йәткән. Буниң билән уйғур райони ташқи сода соммисида хитай буйичә биринчилик орнини давамлаштурған.
2008-06-24
Ақсу шаяр наһийилик һөкүмәт тор бетидин ашкарилинишичә, мушу айниң 13 - күни шаяр сот мәһкимиси очуқ сот ечип, уйғурларни һәҗгә тәшкиллигән бир уйғур тиҗарәтчи үстидин һөкүм елан қилған.
2008-06-24
Тәйвән президенти ма йиңҗю, сайлам мәзгилидә риқабәтчиси Xie changting ниң өзигә бүһтан чаплиғанлиқи һәққидә сотта дава ачқан иди. Тәйбей сот мәһкимиси бүгүн мәзкур дава һәққидики қарарини елан қилди. Қарар нәтиҗисидә мәзкур давада уттурған тәрәп президент ма йиңҗю болди.
2008-06-24
Японийә һәрбий парахоти, бүгүн йәни сәйшәнбә күни хитайниң гуаңдуң өлкисидики җанҗяң портиға қәдәм басти. Парахотта бу қетим елип келингини қорал - ярақ әмәс бәлки ярдәм әслиһәлири. Шундақтиму, бу парахот йәнила бир түркүм хитай пуқралириниң наразилиқиға учрайдиғанлиқи пәрәз қилинмақта.
2008-06-24
Бүйүк ира тор бети 2008 - йили 6 - айниң 14 - күни 38 милйондин артуқ партийә әзасиниң хитай коммунистик партийисидин чекинип чиққанлиқини елан қилди. Ленин, сталин җуңголуққа қуруп бәргән бу партийә - коммунистик партийә бүгүн алдамчилиқниң символи, тарихий ачарчилиқниң символи, тарихий вә риал қатиллиқниң символи, пуқраларни сталинчә бастурушниң символи болуп қалди.
2008-06-23
Уйғур елиниң кәлпин наһийиси юрчи йезисида йеқинда чеқиветилгән мәсчитниң чеқилиш сәвәби тоғрисида тәрәпләр охшимиған пикирләрдә болмақта. Бәзиләрниң әскәртишигә қариғанда, мәсчиттә җүмә намизи рухсәтсиз оқулғанлиқи түпәйли чеқиветилгән.
2008-06-23
Йәкшәнбә күни канаданиң торонто шәһиридә, хитай һөкүмитиниң олимпик һарписида канада пуқраси һүсәйин җелилни йәнила турмида тутуп туруватқанлиқиға наразилиқ билдүрүш, канада һөкүмитини һүсәйин җелил мәсилисидә хитайға қарита бесимни қайтидин күчәйтишкә үндәш вә канада җамаитини һүсәйин җелил делосиға җәлп қилиш мәқситидә, коча айлинип наразилиқ билдүрүш намайиши елип берилди.
2008-06-23
Ройтерс агентлиқиниң бейҗиңдин хәвәр қилишичә, хитай рәиси ху җинтав 6 - айниң 20 - күни интернет арқилиқ тордашлар бивастә сөзлишип, сориған суаллириға җаваб бәргән. Хитай коммунист партийисиниң оргини 'хәлқ гезити' бу һәқтә елан қилған мақалисидә, рәис ху җинтав 221 милйон тор әһли билән бивастә сөзлишип, 20 минут ичидә соралған суалларға җаваб бәрди, хәлқниң авазини аңлап, пикрини елишта мунәввәр өлгә яратти, дәп баян қилған.
2008-06-23
Бу йил 3 - айниң 12 - күни, австралийә таможнисиға өй сайманлири қачиланған бир континәр кәлди. Континәрниң ичидики йешил чай маркиси чапланған 10 данә йәшик тәкшүрүлгәндә униң ичидин 250 килограм кокаин чиқти. Кокайинниң омуми қиммити 80 милйон доллар болуп, гумандар ху яң вә униң аял шерики нәқ мәйданда қолға елинди.
2008-06-23
Енергийә баһасиниң хәлқара миқясида тез сүрәттә өсүп кетиши дуня иқтисадиға җиддий тәсир көрситиватқан мәсилигә айланмақта. Май баһасиниң тез сүрәттә көтүрүлүши америка, әнгилийә, франсийә, японийә, хитай, һиндистан қатарлиқ явропа һәм асиядики нефит импорт қилидиған дөләтләрниң нөвәттә һәл қилишқа тегишлик муһим мәсилилириниң биригә айланған болуп, мәзкур нефит истемалчи дөләтләр нефит ишләп чиқиридиған мәмликәтләрниң нефит ишләпчиқириш миқдарини ашурушни тәләп қилмақта.
2008-06-23
Демократийә билән башқуруливатқан дөләтләрдә аммиви тәшкилатларниң роли интайин бүйүк. Түркийидә миңларчә аммиви тәшкилат паалийәт елип бармақта болуп, буларниң ичидә шәрқий түркистан аммиви тәшкилатлириму бар. Түрк қануни бойичә аммиви тәшкилатлар икки йилда бир қетим сайлам елип бериши керәк.