ﺋﺎﺭﺧﯩﭗ
2010-12-31
يېقىنقى 20 يىل ئىچىدە ۋەتەن ئىچىدىكى بىر تۈركۈم ئۇيغۇر شائىر ۋە يازغۇچىلىرى تۈرلۈك سىياسىي ۋە ئىجتىمائىي سەۋەبلەر تۈپەيلىدىن چەتئەللەرگە ھىجرەت قىلدى. ئۇلار نۆۋەتتە ئۆزلىرى ياشاۋاتقان دۆلەتلەردىكى ئەركىن ۋە دېموكراتىك مۇھىتتىن پايدىلىنىپ، بىر قولىدا ئاي يۇلتۇزلۇق كۆك بايراق، يەنە بىر قولىدا تىنچىماس قەلىمى بىلەن مۇھاجىرەتتە داۋام قىلىۋاتقان ئۇيغۇر مىللىي ھەرىكىتىنىڭ ئاكتىپلىرى ۋە بايراقدارلىرىغا ئايلاندى.
2010-12-31
2010-يىلى ئاخىرلىشىپ 2011-يىلى كىرەي دەپ قالغان بۈگۈنكى كۈندە، پۈتۈن ئۇيغۇرلار جۈملىدىن تۈركىيىدىكى ئۇيغۇرلار 2010-يىلىنى خۇلاسىلەپ، 2011-يىلىدىن كۈتكەن ئۈمىدلىرىنى يېقىنلىرىغا ئاڭلاتماقتا.
2010-12-31
تەڭرىتاغ تورى 31 - دېكابىر كۈنى ئېلان قىلغان "شىنجاڭدىكى 2010 - يىللىق 10 چوڭ خەۋەر" ناملىق يازمىدا ئۇيغۇر ۋەتىنىنىڭ سىياسىي كىلىماتىدا 2010 - يىلى يۈز بەرگەن بىر قىسىم ۋەقەلەر تىلغا ئېلىنغان.
2010-12-31
1958-يىلى، سوۋېت ئىتتىپاقى بىلەن خىتاينىڭ يادرو ھەمكارلىقى ئەڭ يۇقىرى پەللىگە يەتتى. سوۋېت ئالىملىرى خىتاينىڭ ئاتوم ساھەسىدە ئاكتىپ خىزمەت قىلغان بولسىمۇ، بىراق ئىككى دۆلەت مۇناسىۋەتلىرى ئاستا-ئاستا بۇزۇلۇشقا قاراپ يۈزلەندى.
2010-12-31
شەرقىي تۈركىستان جۇمھۇرىيىتىنىڭ سابىق ئوفىتسېرى 87 ياشلىق تۇرسۇن داراجى مۇسايوف 30 - دېكابىر كۈنى بېشكەك شەھىرىدە داۋالاش ئۈنۈم بەرمەي، بۇ دۇنيا بىلەن ۋىدالاشتى. دەپنە مۇراسىمىغا قاتناشقان يۈزلىگەن كىشىلەر ئۇنىڭ ۋەتەن ئۈچۈن كۈرەشكەن جەڭگىۋار ھاياتىنى ئەسلەپ، ئۇيغۇر جامائىتى ئۈچۈن قىلغان ياخشى ئىش-ئىزلىرىنى خاتىرىلىدى ھەمدە ئۇنىڭ ئەخلاقى پەزىلىتىگە يۇقىرى باھا بەردى.
2010-12-31
مەركىزى فرانسىيە پايتەختى پارىژدىكى خەلقئارا ئاخبارات ئەركىنلىك ئورگىنى- چېگراسىز مۇخبىرلار تەشكىلاتى پەيشەنبە كۈنى دۇنيانىڭ 2010 - يىللىق ئاخبارات ئەركىنلىك ئەھۋالى ھەققىدە دوكلات ئېلان قىلىپ، ئاخبارات خادىملىرىنىڭ بۇ بىر يىلدا ئۆلتۈرۈلۈش، قولغا ئېلىنىش، گۆرۈگە تۇتۇلۇش، تەھدىت ۋە جىسمانىي ھۇجۇمغا ئۇچراش، قېچىپ كېتىشكە مەجبۇر بولۇش قاتارلىق 9 تۈرلۈك زىيانكەشلىككە ئۇچراش ھادىسىسى ئۈستىدىن باھالاش ئېلىپ باردى.
2010-12-31
يېقىندا يەكەن ناھىيىسىدىكى يەرلىك دائىرىلەر مەزكۇر ناھىيىدىكى بىر توپ ئۇيغۇر ۋە خىتاي خرىستىئان مۇرىتلىرىنىڭ بىر يەرگە توپلىنىپ، روجىستىۋا بايرىمى ۋە يېڭى يىل مۇناسىۋىتى بىلەن ئۆتكۈزگەن بىرلەشمە دىنىي مۇراسىمىغا مۇداخىلە قىلغان.
2010-12-31
ئۇيغۇر ئاپتونوم رايونى يەرلىك ئاخبارات ۋاسىتىلىرىنىڭ ئاشكارىلىشىچە، ئۈرۈمچى شەھىرى دائىرىلىرى كېلەر يىلدىن باشلاپ يول ياقىسىدىكى كەچلىك بازارلارنى ئەمەلدىن قالدۇرۇشنى ۋە بۇنىڭدىن كېيىن باشقا رايونلاردىمۇ بۇنداق بازارلارنى تەستىقلىماسلىقنى قارار قىلغان.
2010-12-31
ياپونىيە باش مىنىستىرى نائۇتو كان 2011- يىلى خىتاينى زىيارەت قىلىپ، ئۆتكەن يىلى 9 - ئايدا سېنكاكو تاقىم ئارىلىنىڭ ئەتراپىدا يۈز بەرگەن خىتاي بېلىقچىلار كېمىسى بىلەن ياپونىيە چارلاش پاراخوتىنىڭ ئۆز ئارا سوقۇلۇپ كېتىش سەۋەبىدىن جىددىيلىشىپ كەتكەن ياپونىيە -خىتاي مۇناسىۋىتىنى ئەسلىگە كەلتۈرۈشنى ئويلاشماقتا ئىكەن.
2010-12-30
بۇ بىر يىل جەريانىدا ئۇيغۇرلارنىڭ سىياسىي، ئىجتىمائىي ھاياتىغا مۇناسىۋەتلىك قانداق زور مۇھىم ۋەقەلەرنىڭ يۈز بەرگەنلىكىنى نۆۋەتتە گۈلچېھرە تەييارلىغان پروگرامما ئارقىلىق ئەسلەپ ئۆتەيلى.
2010-12-30
ئاقسۇ ۋىلايىتىنىڭ ئونسۇ ناھىيە قىزىل دېھقانچىلىق مەيدانىدىن بۇرۇن بېيجىڭغا 11 قېتىم ئەرز قىلىپ كەلگەن 84 ياشلىق ئەرزدار ئابدۇرېھىم موللەك ئاكا، 4 ئاينىڭ ئالدىدا بېيجىڭدىن تۇتۇپ كېتىلگەن ۋە يۇرتىغا بارغاندا، يېڭى مەيدان باشلىقى ئۇنىڭ يەر مەسىلىسىنى ھەل قىلىپ بېرىدىغانلىقى ھەققىدە ۋەدە بەرگەن ۋە ئۇنىڭدىن ئەرز قىلىشتىن توختاشنى تەلەپ قىلغان ئىدى.
2010-12-30
خىتاينىڭ تۇنجى ئاتوم بومبىسى پىلانى ۋە سوۋېت ئىتتىپاقىنىڭ خىتاينىڭ يادرو قوراللىرى تېخنىكىسىغا كۆرسەتكەن تەسىرى ھەم ئەمەلىي ياردەملىرى شۇنىڭدەك بۇنىڭ سوۋېت-خىتاي مۇناسىۋەتلىرىنىڭ رەقىبلىك دەۋرىگە كىرىشىدە ئوينىغان رولى رۇس، خىتاي ۋە غەرب تارىخچىلىرى ئۈچۈن قىزىقارلىق تېما.
2010-12-30
-ئاينىڭ 29-كۈنى ياپونىيە ت ب س تېلېۋىزىيە قانىلىدا كەچ سائەت 8 يېرىمدا تارقىتىلغان ئىككى يېرىم سائەتلىك "تاككۇرۇ" پروگراممىسىدا "خىتاي دېموكراتىيىلىشىشكە يۈزلىنەمدۇ؟" ناملىق نەق مەيدان مۇنازىرە پروگراممىسى تارقىتىلغان.
2010-12-30
ئىستانبۇلدا پائالىيەت قىلىۋاتقان شەرقىي تۈركىستان مائارىپ ۋە ھەمكارلىق جەمئىيىتى ئىستانبۇلدا ياشاۋاتقان ئۇيغۇر ياشلاردىن ئۇنىۋېرسىتېتى سەۋىيىدە ئوقۇغان ياشلار ئۈچۈن ھەر 15 كۈندە بىر قېتىم ئىستراتېگىيە دەرسى ئورۇنلاشتۇرۇپ كەلمەكتە. بۇ ئىستراتېگىيە دەرس پروگراممىدا لېكسىيە سۆزلەپ بېرىش ئۈچۈن تەكلىپ قىلىنغان، سىياسىي ۋە ئىستراتېگىيە جەھەتتە تەجرىبىگە ئىگە بىر قىسىم تۈرك دوكتور پروفېسسورلار لېكسىيە سۆزلەپ بەرمەكتە.
